Tag: mcdonaldshk

自製漢堡,食麥當勞過百不是夢

香港麥當勞又有新搞作,除左自動點餐機,更有全新的「自製漢堡」,等你一於係麥當勞都可以食窮朋友,拿住佢張八達通都食到佢自動增值爆哂額。 當然啦!咁好嘅服務,要有一個靚仔主持人介紹,所以石先生係靚仔主持人介紹下知道原來「自製漢堡」叫「Create Your Taste」,除左「自製漢堡」外,更有送餐服務,唔駛你自己去拿,實行俾貴啲,服務又好啲。 靚仔主持人話俾今次麥當勞的「Create Your Taste」一共可以製造到 2,061,584,302,080 唔同款式嘅漢堡,而以一個最多 50 種材料的「Create Your Taste」來計,又可以用 3,782 個砌到 ICC 咁高,真係非比尋常。 石先生今次去呢間麥當勞係九龍塘又一城,也係香港兩間「Create Your Taste」之一。 實際上,想要食 「Create Your Taste」只要埋來呢個自選的電子餐牌就得,完全唔需要去櫃位,會有專人拿飽俾你食。 係你唔會埋去個櫃位到,會有一個「Create Your Taste」的櫃位,佢會展示一啲你個飽專用的食材,俾你睇到自己同隔離排隊的有幾唔同,情況就好似你去銀行排隊有分普通人同 Premier 人一樣,食「Create Your Taste」就等於 Premier 人,所以服務都唔同啲。 如果你對某些麥當勞姐姐有幻想,其實你食「Create Your Taste」會比較適合。因為每一個餐都會由麥當勞姐姐派俾你,話唔定你會有機會等到。 又如果香港麥當勞好似台灣麥當勞咁搞番啲員工裝扮大賽,石先生肯肯定會有更多人幫襯「Create Your Taste」。 言歸正傳,下面同大家圖文説明點樣買飽,當大家三歲小朋友一樣捉住隻手來教。 (家下三歲都好叻囉其實~~)   自製漢堡,食麥當勞過百不是夢自製漢堡,食麥當勞過百不是夢   首先,你要揀堂食或外賣。 然後你係有得揀的情況下又唔想揀,其實可以叫預訂版。 然後再揀埋普通餐還是加大餐就可以埋單。 如果都係要有得揀先至係老闆,咁就要開始下面嘅篤篤篤之旅。 「Create Your Taste」其實可以唔揀包,揀食「正菜」。 揀好似 Burger King 嘅炭燒安格斯牛肉呢,一塊唔駛加錢,加多塊就 HK$15,最多加兩塊。 芝士又係唔駛加錢,但就有四種選擇。 然後以揀配料,例如唔想食咩可以唔揀或咩都揀哂。 醬有超過八種選擇,一係就好專心,或者其實你可以混醬,咩都揀哂唔好蝕。 要兩版先講完係其他配料,每樣加錢。 比較特別係可以加菠蘿同加蛋,樣樣 HK$6。   揀左幾多會係左邊展示番出番,等你見到隨時加減。 後就會見到一個咁嘅表顯示你揀左啲咩,以呢個就係石先生嘅選擇。 最後揀埋要唔要餐或者加大。 下面睇哂有啲咩揀,然後再揀野飲。 野飲可以揀埋 McCafe,然後又係加錢就得。 (有錢就咩都得~~無錢就... 排隊啦!) 再 Confirm 你自己張單一次。 麥當勞真係好怕你揀錯咁款~...