平時買手機殼，通常都係得手機殼，無其他配件，但今次 AMAZINGTHING Titan Pro 系列 及 Pro Mag 系列就唔同，佢本身除左有磁吸手機殼外，更加有磁吸配件，再加埋 RFID 防盜卡，一次過買三樣野！
簡單講講今次 AMAZINGTHING Titan Pro 系列、Titan Pro Mag 系列及 Titan 玻璃保護貼系列產品嘅賣點。Titan Pro / Pro Mag 嘅手機殼係一樣的，都係採用最新的 X-Cushion Pro IV 技術，輕巧纖薄有手感，獲美國軍規級別認證，四邊包圍配合內部結構設計，可以輕鬆保護手機。
先講下 Titan Pro 磁吸銀包套裝，佢本身有超薄的 7mm，可以容納 3 張卡片磁吸銀包，如果折疊起，可以做到手握帶或手機支架。AMAZINGTHING Titan Pro 磁吸銀包套裝有五款顏色，分別是瑩光綠、瑩光紅、灰色、黑色與藍色。
至於唔駛銀包嘅朋友，揀 Titan Pro Mag 磁吸指環套裝，就可以擁有手機指環及支架功能，佢嘅指環本身用左 7 粒強力磁石提供達 13N 吸力，可以做到 360度旋轉調節角度。Titan Pro Mag 磁吸指環套裝，包括：藍色、灰色與黑色，
關於 Titan 系列嘅保護貼，總共有三款：FULL GLASS、MATTE GLASS、PRIVACY GLASS，同埋 AR LENS GLASS 鏡頭保護貼。呢三款都支援 9H 硬度、5英尺嘅跌落測試，同埋防指紋塗層功能。特別之處係佢哋喺聽筒位置都好用心，加咗防塵網，避免長時間使用後塵埃堆積。
當你打開 AMAZINGTHING Titan Pro 磁吸銀包套裝嘅包裝，你會見到除咗手機殼之外，仲有一個同系瑩光綠色嘅磁吸銀包。喺包裝盒上，你可以見到磁吸銀包上嘅支架可以提供三種唔同角度嘅支撐。磁吸銀包（瑩光綠）配咗黑色，形成一種混搭風格。
喺側面可以見到，手機殼嘅鏡頭位置有一個明顯嘅膠圈增高，方便保護手機鏡頭免受撞擊。手機殼四角則用內部結構同專用材料包裹，提供一定嘅防護力。左邊配合最新嘅 Action Button，從開孔變成咗一個按鍵嘅樣式。
AMAZINGTHING Titan Pro 磁吸銀包套裝仲有一張 RFID 保護卡。根據說明，只要放喺卡片前面就得。手握帶向下翻，就可以讓磁吸銀包直立喺桌上。磁吸銀包前方留咗一個空位，方便我哋拎卡片。根據官方說明同實測，最多可以容納三張卡片。
磁吸銀包配合手機殼背後嘅磁吸，可以讓手機直立，方便我哋睇劇或者做 Zoom Call。除咗直立之外，佢仲支援橫向。
AMAZINGTHING Titan Pro 磁吸指環方面，佢用咗三件式設計，有最多 7 粒強力磁石實現高達 13N 嘅吸力，適合做手機環握持或支架使用，同時提供方便嘅 360度旋轉來調節角度。
AMAZINGTHING Titan 玻璃保護貼支援 9H 硬度、5英尺嘅跌落測試、防指紋塗層功能，同埋配備「透明邊框」方便自行安裝。裝嘅時候，我哋只需把「透明邊框」套喺 iPhone 15 上，然後把保護貼放喺中間就得，裝得好簡單，都唔會移位，比以前嘅保護貼更方便。
值得一提嘅係，AMAZINGTHING 保護貼喺聽筒位置都好用心，加咗防塵網，避免長時間使用後塵埃堆積。其中的 Privacy Glass 更有防偷窺功能，正面睇可以清楚見到，但側面如我哋影相時稍微偏移就睇唔到，為 iPhone 15 用戶提供防偷窺功能。
AMAZINGTHING Titan Pro 磁吸銀包套裝
售價：$268
AMAZINGTHING Titan Pro Mag 磁吸指環套裝
售價：$198
AMAZINGTHING Titan Full Glass 玻璃保護貼
售價：$168
AMAZINGTHING Titan Matte Glass 玻璃保護貼
售價：$188
AMAZINGTHING Titan Privacy Glass 玻璃保護貼
售價：$228
發售：香港：Ultimate / New Horizon / In-smart / Foxx / Studio A / DG lifestyle / Multi-Link / 衛訊 / CSL / Smartone / Three / 澳門：新力量通訊 / New Horizon / 新八佰伴。
