Tag: miffy

應節又有睇頭 – 黃埔新天地 X Miffy

聖誕後,各商場又係準備農曆新年之時,明年係兔年,各商場自然找來財神與兔仔來裝飾,應節一番。相比其他商場整幾隻兔仔,暫時最應節又最吸引應該黃埔新天地,因為黃埔新天地用兔年做主題,但竟然想起 miffy 這隻以兔為藍本的卡通公仔,睇來真係兔年唯一之選,其他商場都幾難搞。 整個活動命名為 「黃埔新天地 x Miffy 兔氣滿城迎新春」真的有點老土,但找來 18呎高的 Miffy 兔,又幾吸引,加上著唐裝衫,也有中國特色。1月29日、30日、2月5日、6日會有 Miffy 家族朋友在黃埔新天地巡遊;1月13日至2月2日買滿 HKD$300 則送 Miffy 利是封,吸唔吸引在乎你是否粉絲。 難得度到有兔年用 Miffy,真係難得,至於下一個同兔有關的,暫時只係想到 PlayBoy 兔女郎,但應該無商場會用卦。