新屋入伙搵燈,梗係入燈飾展擴寛眼界

可能光對於城市人來講來得太容易,所以我地對燈好似唔多著緊,但其實一個城市入面最多嘅唔係人,係燈。有燈,先係城市,一個城市無燈,也只係一個廢墟。

石先生因為來緊搬屋,咩都要由頭開始嘅關係,也都開始留意燈呢樣野!燈,聽落真係好簡單,但其實有好多學問。揀燈,好多人會由自己鐘意白光定黃光開始,但其實揀燈唔應該咁隨便,因為白光有令人精神嘅作用,黃光有溫暖、休息嘅感覺,呢兩樣野基本上係無得變,所以一間屋邊啲位用白光,邊啲位用黃光有基本定調,除非你再玩得深奧啲。

講番尋日,石先生為左睇燈其實早輪已經行過好多燈飾店,但燈飾店始終有佢嘅限制,燈嘅款式主要以掛牆為主,來來去去都係個幾款,唔會有咩好特別嘅款式,你想要全 LED 嘅 DIY 組件唔會係燈飾店見到,想搵全木制嘅燈架也唔會係燈飾店見到,所以石先生就藉 HKTDC「香港春季燈飾展 2017‎」嘅機會入去尋寶。

燈飾展因為本身係一個商業展覽,所以係現場見到嘅燈除左家用,也都有商用,也都有一啲元件及解決方案。由於佢本身係一個商業展覽,所以係燈展睇中一支好靚嘅燈,你其實係無得零售買番屋企,但你可以問廠商拿卡片,返到屋企再電郵聯絡問下邊到有得買,佢地可以幫你轉介去適合嘅零售店。

好似呢支風扇咁,你可能覺得好奇怪點解佢會有個座,但其實佢係一支枱燈,而風扇只係枱燈嘅一部份,係枱燈座下面有個接點,呢個接點可以用來幫風扇充電,而你需要用風扇嘅時候,直接拿起風扇就得,如果用完就可以將佢放返係枱燈下面,繼續充電。

當然,呢支枱燈本身都有變色、調節光暗呢啲功能。呢支咁有特色嘅燈你要係街嘅燈飾店見到真係好難,但係燈展呢到就有唔少相類似嘅設計,有放風扇,也有放電筒,可以配合唔同嘅需要,真係可以開開眼界。

HKTDC_Light_5

HKTDC_Light_1

HKTDC_Light_8

至於呢個咁似香草與魚嘅魚菜共生就來自中國大陸,佢概念上都係上面養草,下面養魚,但佢將個外型做成一體化,收細左養草嘅位置,也將最難搞嘅虹吸改成單向抽水向上,然後漏返落下面,用呢個方式來做偱環。

呢個做法有兩個好處,一個就係佢可以好穩定咁縮細個尺寸,但問題係無左虹吸帶來嘅衝擊力,水底嘅污染物就無法被抽上植物嘅部份,做到過濾嘅作用。

呢個做法係細嘅未必太明顯,但轉移到後面嘅大版本就好明顯。因為抽水只係係中間位置,所以缸底四周嘅污染物就唔會被中間嘅抽水位吸到,結果最終污染物積哂係個底,都係要人手定時定候去清潔。

HKTDC_Light_2 燈展因為係商用展,所以呢啲大型嘅燈飾裝置也都唔少。

至於下面呢個平平無奇嘅燈其實好實用,佢本身係內置鋰電池,可以拿出街做燈,如果去零營嘅時候就好啱用,而且佢本身仲有喇叭功能,連接手機就可以播歌,鐘意戶外活動嘅朋友應該好開心。

石先生影呢個都係基本版,佢仲有一個加強版,係燈、喇叭呢兩個功能外,仲加入左防淺水能力,也都支援鋰電池為手機充電,一機四用。有興趣嘅朋友不妨把握機會,呢幾日要入場睇下啦!

HKTDC_Light_4





【此文章刊載於石先生部落;標題:新屋入伙搵燈,梗係入燈飾展擴寛眼界;本篇文章為贊助內容;強制廣告:HisTrend.HK 給你不一樣的科技產品】