1. 今代嘅三叔摺機其實無咩大升級，唔計硬件年度更新，整個使用體驗其實有無變到。
2. 由 Fold 2 到 Flip，石先生都用過唔短時間，邊部⁵好呢個問題一開始嘅時候睇規格，但用耐左就會覺得其實睇人睇場景。
3.先講 Fold，解決嘅需求係手機細部唔夠睇，相對帶來嘅影響係手機變得更大部。一般來講 Business Guy，成日要 Mark Notes，睇資料，覆 Msg 應該啱用啲。
4. 至於 Flip 就係手機太大，想細部啲。平時電話都夠用，但又想細部少少，最好擺入褲袋，手袋好輕鬆嘅，應該就啱。好似石先生依家湊仔時間多，手機要細要輕便就啱哂了。
5. 當然，你又唔可以忘記 Flip 有 Flip 缺點，單 SIM 非雙卡，而且電量低，去旅行或無法長期充電者十分不利。
6. 回到第 1 點，今代 Fold & Flip 無咩大升級，主因睇來都係其他廠完全追唔上（I mean 國際上，唔係只睇中國）。想用摺機，或用開摺機者其實無得揀，三叔唔駛變，等啲中國廠商出到海先再真升級都仲得。
7. 以排面睇，最有機會迫到三叔出真功夫嘅應該係小米或 Moto，至於華為或 honor 就算罷啦！Sales Channel 已斷，難矣！
