HTC 5G Hub 簡評:產品唔錯,係錯在 __

2023年,HTC 出嘅新產品仍然唔差,好似呢部 HTC 5G Hub,推出之時其實都唔算好多 News,也都唔算好多人留意,知道嘅大概都係 Geek。

HTC 5G Hub 係功能定位上其實好簡單,一隻 5G WiFi 蛋,賣街也都主要搭配電訊商,主要嘅合作伙伴又係澳洲電訊商。係澳洲,當然可以用到 5G,但 5G 頻段關係,係香港就未必有 5G 啦!一般來講都係行 4G,要用到 5G 都唔係咁容易的,講啲彩數啦!

  • 5G 頻段僅支援 n41 及 n78 (理論上 4 個台都支援 n78)

HTC 5G Hub 嘅 hardware 就唔同大家講咁多,始終唔係咩新野,而且呢啲 hardware 有咩 spec,幾多插頭、啲制係邊等等,大家求其一搵就有,反而主力想講講佢嘅賣點係啲咩。


  • 1Gbps LAN port
  • 內置鋰電池
  • 支援 USB-C 供電 / Display Port
  • 可以穩定站立「篤」起身
  • Android 介面 + 5G Hotspot 簡易介面
  • 內建 VPN 等多種設定

鋰電池 + 1Gbps LAN

如果你有留意開呢類嘅 WiFi 蛋,好似 NETGEAR M1 咁,有個 1Gbps LAN port 係一件好吸引嘅事,而呢個賣點直到依家 NETGEAR 最新嘅 M6 都仍然保留。雖則話好多 4G / 5G WiFi Router 都有類似設計,但佢地係傳統 Router 設計,一支大大部,要 13A 供電。行鋰電池,有 4G / 5G SIM 功能,而且有埋 1Gbps LAN port 嘅確實係小數。

HTC 5G Hub 行鋰電池加 1Gbps LAN port 外,也都支援 USB-C 供電,但佢因為設計上係一體化,所以就唔可以拎走舊電出來用,但佢除左支援 USB-C 供電,本身都有跟火牛的,所以屋企用邊個俾電就睇你自己決定啦!

Display Port

如果唔係細心睇或者試,其實未必留意到嘅係 HTC 5G Hub 個 USB-C 其實係支援 Display Port 功能,即係你有需要嘅話,其實係可以將佢個芒嘅野,駁去電視或者屏幕到睇,而呢個都可以話係賣點之一。

不過,其實 HTC 5G Hub 本身都係一般 Android 底,所以你其實可以用 Chromecast 駁出去,唔一定要用 USB-C Display Port,但如果你玩大啲,可以藍牙接鍵盤滑鼠,再用 Display Port 駁芒,當佢小電腦咁樣也一樣得的。(行 Qualcomm Snapdragon 855 八核心,普通夠用的)

「篤」起身

至於最吸引石先生個賣點,其實係佢可以輕鬆咁「篤」起身。因為本身賣返來就係想係車上面有個 4G Signal Share 俾車機用,方便導航等等,所以直接「篤」起身,可以放係車窗前重要得來又方便。以佢嘅設計,就算放係屋企用都一樣正,因為呢個咁簡單嘅 5G Hub 介面已經直接話你知連接繄咩網絡,有無開 WiFi,有幾多 Device 連接,用左幾多 Data 等等。以上呢幾個咁簡單嘅資訊,其實無幾多機做到。


支援 VPN

因為 HTC 5G Hub 本身係行 Android,而 HTC 除左加左個 5G Hub 介面外,並無鎖死 Android,所以當佢係一個普通 Android Device 使用也得,而且佢內建除左 Android 本身嘅 VPN 外,也都加入左更高級嘅 VPN 設定,係香港屋企想當自己係英國其實係做到的。

HTC 5G Hub 講到咁好,其實錯在咩呢?錯在宣傳!呢個也都係 HTC 一路以來錯嘅野,係 PR 上其實真係做得幾好,但係 Marketing 上真係不停犯錯。呢部 HTC 5G Hub 依家淪落到係淘寶賣 CNY780 都真係幾可惜,始終以佢嘅規格及實用性,係市場上係有競爭力的。

至於點解係香港或者世界好多地方都無得賣?石先生估計一來 HTC 手機係全世界都已經進入「玩完」狀態,無咩代理或電訊商想夾,二來 HTC 5G Hub 似乎都係一個夾 HTC Vive 嘅 Device 多啲,根本都無諗過大規模 B2C。


本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。

此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。