華為 nova 5T 開箱評測:四鏡頭有微距加映一堆配件

中美貿易戰,無疑是對華為有一定影響,但這也無阻新機推出,始終生意要做。根據 HUAWEI 所公布的報表顯示,HUAWEI 最新公布的季度財報顯示第三季收入達 6108 億人民幣,按年增長 24.4%,而前三季手機的出貨量達 1.85億部,較去年同期上升 26%。而早前 HUAWEI 就推出新機 HUAWEI nova 5T。

主要規格上,HUAWEI nova 5T 採用旗艦嘅 Kirin 980 人工智能處理器,配合 8GB RAM 以及 128GB 儲存空間,具有 6.26 吋 FHD+ 屏幕,屏幕左上角採用「極點」自拍鏡頭 (打孔式設計);同時,nova 5T 亦配備實體指紋辨識鍵,設於機身右側,開關、解鎖集於一鍵

機側的開關及指紋鍵,有無啲熟面口

HUAWEI nova 5T 售價 $3088,定位係中階手機,但佢同HUAWEI P30 Pro 一樣有四鏡頭:


  • 4800 萬像素 F1.8 光圈的廣角鏡頭
  • 1600 萬像素 F2.2 光圈的超廣角鏡頭
  • 200 萬像素 F2.4 光圈的景深鏡頭
  • 200 萬像素 F2.4 光圈的微距鏡頭

nova 5T 雖然係中階機,但佢係設計及用色上都好吸引,今次上手呢部機嘅用色叫仲夏紫,與其他兩款顏色蘇音藍、亮黑色不同,你可以見到整個機背都係「nova」標誌,做到一個暗花嘅感覺,係燈光下嘅感覺特別明顯,相比單調嘅單色更加搶眼。

機背四鏡頭,係 HUAWEI 標誌旁都有一個細細的鏡頭,遠睇未必留意到

鏡頭拍攝實測

手機鏡頭有 2 倍、有廣角已經係常事,但有微距拍攝嘅手機就唔多。除左呢部 nova 5T 外,華為既P30 Pro 都有,係功能上追得上旗艦手機。

唔同嘅朋友不時都會想微距有咩用,其實微距主要可以用來影兩樣野,一係好似上面咁用來影花花草草,二係可以用來影食物或者產品嘅細節位。因為係微距鏡頭嘅使用下,可以令主體更突出,如果配合得宜,影出來嘅相會更加靚。

除左呢四鏡頭外, 前鏡頭設有 3D Qmoji同趣味變妝功能,可以拍到有趣嘅影片。nova 5T 也都內置 AI 攝影大師、夜景、縮時攝影、HDR 等拍攝模式。以今次nova 5T 規格,有旗艦處理器,四鏡頭,「極點」全面屏,有 NFC,其實有高階水平,但價位只係 $3000,都算係一部抵玩嘅手機。

Watch GT 2 長續航力

伴隨 nova5T,今次其實仲有幾款配件,好似有 HUAWEI Watch GT 2,與 GENTLE MONSTER 合作的智能太陽眼鏡一物兩用。


先簡單講講 Watch GT 2,佢標榜嘅賣點係可用時間達到 2星期,超越哂所有智能手錶。Watch GT 2 功能上支援心率監測、壓力監測、睡眠監測、天氣、運動追蹤等,仲內置麥克風、喇叭及儲存空間,可用作接聽來電,以及播放音樂,稍後於 11 月發售。

會播歌講電話嘅智能太陽眼鏡

至於 HUAWEI 與 GENTLE MONSTER 合作的智能太陽眼鏡就有趣啦!

以往雖然都有眼鏡係可以聽歌,但用嘅技術係骨傳導,聲音空曠唔好聲,但今次呢個係用喇叭功能,係鏡柄上加入喇叭,直接對準耳朵,做到自己聽到,人地聽唔到嘅效果,聲音也都清晰過用骨傳導。用嘅時候只要將太陽眼鏡與手機配對後,就可以直接在眼鏡上控制音樂播放,也都可以用來講電話。當你拿走個眼鏡時,佢就會自動停止播放音樂,而個眼鏡盒本身也都係一個無線充電器,放個眼鏡入去就識無線充電,夠哂未來。


本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。

此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。