秋電展 2019 記招預覽,這款智能門鎖夠哂吸引

一年一度的香港秋季電子展又係舉行嘅時候,雖然中美貿易戰仍然不明朗,但世界仍然要轉,生意仍然要做,電子科技一樣都要進步,來豐富人類生活。石先生早前去左秋電展嘅記招,率先望左幾間廠商嘅示範,而當中就以呢間最心動。

呢隻叫 LOCKLY 嘅智能門鎖,就咁睇落同一般嘅智能門鎖分別不大,但其實佢贏就係贏係啲細位到。一生屋企本身有一隻 Yale 嘅電子門鎖,係唔錯,但唔夠智能,智能得來也都獨家村,只係同自己公司啲 Apps 傾計,唔夠多元化。

LOCKLY 就唔同,佢暫時有三個款式,一個係無柄嘅後門版(外國一般可係車房或者後花園等等)(上圖最左),有柄房門版(上圖中間)及長條型嘅有柄版本。三個版本嘅主要功能都係一樣,支援 Google Assistant 及 Alexa 智能家居,也都同時可以用指紋、數字密碼鎖等開門。


LOCKLY 嘅數字密碼鎖最特別係用上 4 個唔同嘅組合圈,每個組合圈,每次會顯示唔同嘅數字。例如你嘅密碼係「1234」,一般嘅密碼鎖就好似銀行 ATM 咁位置固定,但呢個係完全唔同,每次每個組合圈數字都唔同,咁你就算密碼係「1234」,咁係後面睇個個都唔知道係「1234」,只係知你㩒左邊個圈,但反轉頭佢想抄你再㩒嘅時候,啲數字圈又唔同左,想抄都抄唔到。

呢個咁正嘅門鎖,石先生返屋企度清楚個門厚度就會去換,到時再同大家好分享,更多正野等下星期開展時再同大家望望睇。你都入場睇下有咩正野啦!

香港秋季電子產品展 及 國際電子組件及生產技術展
日期:10月13-16日
地點:香港會議展覽中心
請即登記: http://bit.ly/2NYQPAy
更多詳情: https://bit.ly/2x90nj8

第 21 屆香港國際秋季燈飾展 
日期:10 月 27 日至 30 日
地點:香港會議展覽中心

第 4 屆香港國際戶外及科技照明博覽
日期:10 月 29 日至 11 月 1 日
地點:亞洲國際博覽館



本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。

此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。