科技網絡 消費產品 PaMu Scroll Plus 真無線藍牙耳機開箱文

PaMu Scroll Plus 真無線藍牙耳機開箱文

-

今次來到石先生枱面嘅係 PaMu Scroll Plus 直無線藍牙耳機。

最近好多人都開始用真無線藍牙耳機,而據生產個邊講,近來嘅真無線芯片技術已經成熟,多左新及更可靠嘅晶片,所以大家來緊會有更多選擇之餘,價格也開始會下降,由以往最少 $1,000 慢慢降落來。而今次呢款 PaMu Scroll Plus 就係其中一款唔駛一千,賣緊 $799。


睇規格來講,佢都算可靠,行嘅係 Qualcomm QCC3020 芯片,大路野,支援藍牙 5.0 及有 IPX6 防水級別,做運動有汗,或者街跑微雨都無問題外,也都有 aptx,而佢本身左右耳機都可以做主機,同早期推出,必定需要開某一隻來做主機嘅明顯唔同。


打開個盒,你見到今次嘅款式有黑色及粉色兩款,而石先生手上嘅係有紋理的黑色,本身配合埋一個小小棕色的邊條,望落都幾靚。

左右耳機,充電盒外、充電線外,仲有一個比較特別嘅係充電座。呢個充電座其係一個無線充電轉接器。如果你本身有玩無線充電,咁將呢個野插落充電盒到,再放係無線充電版上就得,對於有玩無線充電嘅朋友來講係好方便。

於連接方面當然同大部份嘅真無線耳機一樣,都係將耳機拿出充電盒,然後用藍牙連線就可以,簡單方便。石先生雖然唔係一個專業嘅音響人,但都有少少聽耳機嘅經驗,呢款真無線耳機用落確實唔似早期嘅型,會有斷線的問題。

對於鐘意耳機大聲嘅朋友,呢款夠哂大聲啦,音質上也都匹配番佢 799 嘅價錢,加上佢本身有 CVC 降噪功能,如果係講野時會減左啲雜音,相對會清晰啲。不過,今次呢款用嘅係觸控式操控,摸一摸耳機表面就會開關等等,一時之間石先生都唔係好習慣,要啲時間適應。



此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。

本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。