科技網絡 社交網絡 Cost per Ads 已經向下,6.17 你會 Resume Ads 嗎?

Cost per Ads 已經向下,6.17 你會 Resume Ads 嗎?

-

上文話 6.12 呢個星期要 PAUSE Ads,唔知大家 PAUSE 左未?如果你 PAUSE 啲唔 PAUSE 啲嘅話,你應該發現 Click Rate, Conversion Rate 都向下走嘅同時,其實 Cost 都向下走。因為 Digital Ads 大多數玩 Bid,多左人 PAUSE,少左人落 Bid,Cost per ads 也都向下走。

雖然 Cost per ads 向下走,但因為 Click Rate 或 Conversion Rate 都向下走,所以 Spend Budget 也向下走,唯有 Cost per Click、Cost per Conversion 係向上走的


當然,世事唔係得一種睇法。你嘅 Cost per Click 向上走,但有啲行業應該係向下走,例如呢個星期開始頻密曝光嘅移民 Ads,外國投資 Ads 應該一片光明。(如果有朋友落緊呢類 Ads,PM 分享下有幾光明)


另一邊廂,有啲公司就應該落唔落 Ads 都一路向下。當一眾傳統行業「中」字頭公司都無安安靜靜,深怕自己受影響嘅時候,點解仲有啲新興公司話事人會衝出來嘅呢?更奇特嘅係呢堆衝出來嘅公司,其客戶多數都係「電競新世代」或者「網絡世代」,難道真係可以視生意如無物?意識形態行先?

係呢啲近乎非黑即白嘅事件下,無論你自己企係邊,瞭解你的客戶嘅取態始終係重中之重。當 Trump 成日大大聲聲討左鬧右鬧嘅時候,連佢都係話你地自己搞掂佢,你就知呢單野唔係凡人可以按自己心意行事。

更重要嘅係,6.12 呢個星期 PAUSE Ads 嘅同時,6.17 呢個星期似乎好大機會需要繼續 PAUSE,要等到 6.23 個星期先可以 Enable,但剛剛撞正 6 月係第二季及上半年,部份公司應該要係 6.30 結數。當大家呢兩個星期齊齊 PAUSE 或忍手嘅時候, 6.23 開始大家又全部隊番哂落去,到時候嘅 Cost per Ads 真係不敢想像。

睇到呢到石先生想問,你下星期 6.17 會 Resume 你本身嘅 Ads Plan?等到 6.23?還是無壓力,可以一路等至七月?



此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。

本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。