【台灣．台中】摘粟米採蕃茄，呢啲咁田園嘅活動當然要跟旅行團

去旅行好多時行程自己訂，唔係個啲大景點都唔會好，但如果你唔揀自由行揀跟團，好多時候又會有另類驚喜！情況就好似石先生今次跟安達旅遊去台中咁，因為佢地個團係以「動靜台中」為主題，所以台中除左個啲常見嘅「彩虹眷村」、「日月潭」外，仲有其他本地人先識去嘅景點，例如今次呢個本地農場。

農場聽落無咩特別，但台灣始終以務農為生嘅比香港多，好似呢間以水種為主嘅農場，佢除左會賣農作物外，仲會開放觀光，俾大家參觀之餘，可以自己一手一腳採摘農作物，想食邊粒拿邊粒。

呢間農場嘅做法好特別，佢唔係收左你入場費後任摘，係採用消費卡嘅形式，你俾 100 新台幣入場費，佢俾番 100 新台幣採果消費卡你，你可以採番等值嘅農作物，蕃茄又得、粟米又得，見到咩摘咩都得。

100 新台幣摘到幾多野呢？其實摘到上述兩袋，好多支粟米及蕃茄，以外地旅客來講其實都好夠，因為你唔會拿好多番香港，係台中又會有好多野食，唔會有咩機會食得哂。

如果要講唔夠可能就係啲本地人去完玩返屋企，拿返去住餸摘多啲，咁佢地就要額外俾錢買，如果唔係 100 新台幣都好夠食囉！

摘粟米俾想像中好玩，因為粟木樹本身都幾大支，但你要係當中搵到佢又啲時間，更特別係佢其實又要用啲力先可以摘落來，唔係求其就得。

至於蕃茄仔就好簡單，見到一摘就得，問題只係你有無摘到一串好嘅。去農場其實唔難，但同大部份嘅台中景點一樣，有車去就方便，搭巴士去就煩，所以呢啲景點都係留番跟旅行團最好，去完上車仲有得放番啲農作物。

安達旅遊動靜台中之旅全集：

1. 【台灣．台中】好好 西屯店 – 讓文化融入餐飲之中
2. 【台灣．台中】彩虹眷村 – 把握僅餘的原始味道
3. 【台灣．台中】林金生香 – 食餅整餅都係文青風格
4. 【台灣．台中】摘粟米採蕃茄，呢啲咁田園嘅活動當然要跟旅行團
5. 【台灣．台中】「再見一坎煙」 – 一家人包車上山食餐好
6. 【台灣．台中】木匠兄妹木工房 – 手工做匙好好玩
7. 【台灣．台中】紅點文旅 – 滑梯、設計、早餐每件事都讓你喜出望外
8. 【台灣．台中】「鮨樂海鮮市場」- 台中的上引水產？
9. 【台灣．台中】日月潭單車 – 郊遊看湖嘗風景
10. 【台灣．台中】 【台灣．台中】鹿港老街 – 古樸的台灣歷史
11. 【台灣．台中】春水堂 – 台中限定 DIY 珍珠奶茶學堂開課啦