旅行紀事 臉書旅遊人

臉書旅遊人

-

以前,寫旅遊係一件好罕見嘅事。一來機票唔平,平白一個香港人要外出已經毫不容易,更何況要經常出遊。即使近廿年機票價格愈來愈平,但旅遊始終要花時間。香港人日忙夜忙,去都未必有時間,更何況去完仲要分享。

不過,學朋友 Z 話,近年香港寫旅遊嘅人真係多左好多,打開臉書,輸入國家或者城市名,總有幾個旅遊人同大家分享所見所聞。朋友 Z 話呢啲香港人真有錢,唔駛做,但事實往往並唔係咁。


打開臉書上嘅旅遊人,其實好多都要朝九晚五,只係佢地鐘意旅遊,鐘意分享,所以每次有平機票、平酒店都會把握機會,今次訂星期五,下次訂星期日返。星期五放工衝上機,星期一朝早落機即返工,實行周末都在外面過。


三天兩夜的行程對於傳統的旅遊人來說,大概就是兩個多景點,但臉書旅遊人時間有限,一天要跑的景點有時候比專業的記者還要多,一天吃足五餐(早餐、午餐、下午茶、晚餐、宵夜),景點又南至北,只要新開有賣點都要踏點拍照,猶如野外定向一樣。

一樣米養百樣人,有人覺得臉書旅遊人的旅遊不是旅遊,蜻蜓點水、走馬看花,沒有深度文化,但事主開心快樂,旁人又何必多言。佢有佢旅遊雜誌式旅遊踩點,你有你深度文化游山玩水,感受世界唔同角落嘅空氣與聲音,各取所需,何樂而不為。


此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。

本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。