旅行紀事 【JustSharing】 旅遊記者,沒有你想像那麼好

旅遊記者,沒有你想像那麼好

-

作為一個自由撰稿人,遇著交稿期想交但寫唔出有時真係有苦自己知。石先生身邊都有唔少交稿人,寫旅遊嘅更加唔少,大家都有交稿壓力,即使去旅行都一樣要交稿。

寫旅遊稿對於好多讀者來講都好有吸引力,但其實寫旅遊稿並唔係大家想像中咁開心。唔開心唔係講要下下都讚到天上有地下無,而係當你人在日本嘅時候,其實要交之前係美國嘅稿,日頭感受完日本風情,夜晚返到酒店仲要回想美國旅行嘅優惠。唔好彩要一腳踢嘅話,仲要同時間準備下轉去俄羅斯嘅資料,一邊上網搵景點,另一邊又要訂機票與酒店,忙到你估都估唔到。


好唔容易去一轉南美洲,聽到都開心,但香港飛阿根廷要係美國轉機,把握時間當然又要係美國中轉留多幾日,做下資料搜集,寫下美國旅遊稿,抵達阿根廷咁難得,知名景點當然要去參觀更新下,之但係潮流興隱世,唔去番幾個隱世偏僻嘅景點影番張相,報導下又點叫勁?


最慘係去得公司叫得你去阿根廷,不如去埋鄰近國家,走多幾轉先返來,上完墨西哥,再去埋東岸,回程咁啱東京轉機就去影多個雪景,加加埋埋成個月唔係香港,日做夜做真正 24 x 7,忙過好多打工仔。

返到香港放番幾日假又要再飛,咁嘅生涯唔係人人得,也難怪真正飛來飛去嘅旅遊記者數量不多。


此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。

本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。