延續上回【家居裝修紀錄】講電制,今次繼續同大家講電制。
係整電制嘅時候,石先生都想考慮去裝依家最流行,配備 USB 插頭嘅 USB 電制,呢類型嘅電制市面上有唔少選擇,例如下圖嘅版本就有 2 個 USB 插頭,再配一個英式單蘇。
如果你想買呢種 USB 單蘇嘅話,有一樣最最最基本嘅野你要留意,就係呢種 USB 充電嘅單蘇本身都有唔同充電速度。
![Electricity system_1](https://stoneip.info/wp-content/uploads/2017/09/Electricity-system_1-e1507609563711.png)
USB 速電速度各有不同
如果你想買個款咩都無寫,多數都係得 0.5A 或者 1A,充電速度好慢。0.5A 大概係一個鐘充電 500mAh,1A 大概係一個鐘充電 1,000mAh,而上圖呢啲相對快嘅 2.1A 即一個鐘充電 2,100mAh。
以依家一部智能電話普遍具備 2,500mAh 電池容量來計,0.5A 要五個鐘先充滿、1A 要兩個半鐘,而 2.1A 就一個鐘搞掂,差距都好大,所以要揀起碼要揀個有 2.1A 嘅先得。
另外,以上圖寫 2.1A 為例。它說的 2.1A 其實係總輸出,即係兩個 USB 共提供 2.1A。如果你只係用一個嘅話,咁可以用足 2.1A。兩個 USB 一齊用嘅話就除半,只有 1A。
快速充電標準仍在發展中
呢類嘅 USB 插頭即使用到 2.1A,以今日嘅快速充電標準去到 3A 來講都唔算快,並不支援好似 Qualcomm QuickCharger 或者 PD 2.0 呢類嘅快充標準,若你手機係支援快充等標準,這裡是不兼容的。
因此,石先生還是採取觀望態度,不選用這類的 USB 插頭。因為一旦用了,未來想要用某種快速充電,還是要使用傳統的英式插頭轉換。
![Electricity system_2](https://stoneip.info/wp-content/uploads/2017/09/Electricity-system_2-e1507611268481.jpg)
價差是否值得?
一個 USB 單蘇價格約 HK$200 以上,提供嘅電力係 1A 或者 2.1A,相比一個普通嘅單蘇價錢真係有好大差距(詳見:電制制面價格),係唔一定用得著及加個 USB 插頭都好係幾十蚊嘅考慮下,最後都放棄左。
智能家居不合用
另一個唔用嘅原因係,電制空間與智能家居的考慮。這類配備 USB 的制面正面沒有特別的差異,但其內部有一個較大的部,如果你本身的電線盒沒有足夠空間,在安裝時位置會很緊。有心安裝嘅朋友都係要係「做電」階段同電工師傅講定先,以免位置太緊。
另一方面,這類 USB 制面睇落雖然好智能,但其實佢只係多左一種唔同形式嘅電輸出方式,並沒有 Wi-Fi、藍牙連接能力,係石先生即將會使用智能家居系統嘅情況下,採用這類嘅 USB 制面並沒不是真正的智能插座,所以就此放棄,把相關預算留在智能家居設備上。
家居裝修紀錄(1)- 睇樓與揀樓
家居裝修紀錄(2)-「真.首期」俾幾多?
家居裝修紀錄(3)- 電制制面價格差一倍,走進內街很重要
家居裝修紀錄(4)- 電制單制定雙制?唔好係咪都雙制
家居裝修紀錄(5)- 牆的電制要有 USB 嗎?
家居裝修紀錄(6)- 電制圖點劃好?直接劃上去吧
家居裝修紀錄(7)- 買門?門最少都有分三種
家居裝修紀錄(8)- 門的價格不是全部,門框的價格讓你失預算
家居裝修紀錄(9)- 整門想慳錢?考慮做趟門吧
家居裝修紀錄(10)- 冷氣機個開關制擺位都好重要
家居裝修紀錄(11)- 智能燈飾?放在電制盒內的無線開關控制器不要選
家居裝修紀錄(12)- 無線燈光控制用 Philips Hue
家居裝修紀錄(13)- 智能燈與感應器設置方法
家居裝修紀錄(14)- 房門鎖就用無需鑰匙的
家居裝修紀錄(15)- 善用 3M 無㾗貼固定 IP Camera
家居裝修紀錄(16)- Philips Hue 屏幕同步娛樂燈光 Hue Entertainment 設定方法
家居裝修紀錄(17)- Lockly Secure Pro Latch Lock 開箱評測:終於有個啱心水嘅智能鎖
家居裝修紀錄(18)- IKEA TRADFRI 智能燈泡系列開箱評測,到底值得買嗎?
家居裝修紀錄(19)- 教學:IKEA TRADFRI 燈泡連接 Philips Hue Bridge 控制
家居裝修紀錄(20)- 大廈天台「水掣」,頂層/天台業主 可否自行關水掣?