家居裝修紀錄（2）-「真．首期」俾幾多？

石先生上回（睇樓與揀樓）咪講自己計好數先買樓，但其實真係買嘅時候就發覺計漏左唔少錢。石先生買嘅係市區舊樓，樓價 500 萬，做八成按揭，拿兩成首期，即係 100 萬。

不過政府規矩多，首期俾 100 萬呢個預計實在係太粗略啦！因為要俾嘅錢其實仲有好多同埋分開好多唔同時間，唔計準確啲，首期計得太盡就會唔夠錢俾。

以石先生首次置業，500 萬樓，八成按揭嘅情況來計，以下同大家拆返啲細數出來，就會明白「真．首期」唔止 100 萬。

「真．首期」總計 HK$1,207,000，比本身以樓價計首期嘅 20%，再多 4.14%，足足仲差 HK$200,000，所以首期真係唔好計咁盡。因為由你簽收左楝樓個日開始，其實你已經要俾管理費、差餉、水電等等雜費。即使你未入去住，只係養昆蟲，都一樣要俾。

計完「真．首期」，當然仲有「真．供樓」啦！搞得掂壓力測試，搵埋銀行做按揭，估足價（估唔足價嘅話，請你自己再補差價落「真．首期」個度）。

HK$5,000,000 嘅樓，根據政府嘅政策只能做 6 成按揭，所以想做 8 成按揭，就要買按揭保險（詳情自己睇）。按揭保險嘅錢及手續費係供樓入面計埋嘅，所以係「真．首期」入面就唔駛俾，但後面就有排你俾啦！

睇得明未？將「真．首期」再加「真．供樓」，買一楝 500 萬嘅樓，唔計管理費水電煤裝修傢俬電器，其實係以下呢條數：

所以若你有父幹或母幹，可以一次過俾哂，你就可以慳成一百萬，約 20%，夠錢俾楝舊樓嘅首期啦！下回【家居裝修紀錄】同大家進入考驗頭腦及精神嘅裝修階段。