Tag: kol

心無二用?記者與 KOL,必須二擇其一?

作為一個新晉 Blogger 依莉詩一篇「KOL 化是記者唯一出路?」可以引到石先生及雁橋寫文,從影響力來講實好勁,不過你要明白呢個影響力嘅範圍係有限嘅,因為對呢個 Topic 有興趣嘅人只限於係呢個圈嘅人,近啲嘅係科技記者們,遠少少嘅係相關嘅公關或者 Marketing,想再走遠少少都未必得,呢個也就係呢類文章嘅界限。 雁橋話「記者(無論是 Journalist 還是 Reporter) 職責是透過採訪、接觸新聞發生將其真相及意義,透過報導呈現去觀眾眼前,無論是專題、調查採訪、專訪、直播新聞都是傳媒前線的代表人物,應該執著的是資訊背後的「真相」與「意義」,而能否用一個好的 News Angle (新聞角度)去表達資訊,是記者價值所在。」 無錯!從傳統嘅新聞學來講,新聞的確係有呢個作用,但 KOL 有無呢個功能呢?雁橋曰講嘅「資訊型 KOL」來講,一樣有新聞呢個功能。因為「資訊型 KOL」一樣有資訊整合嘅過程,而呢樣本身係新聞機構去做,但由於太小眾加上唔同壓力,令呢啲事變成由「資訊型 KOL」做。

「記者 KOL 化」不是重點,重點係你唔好再做機械人

依莉詩問「KOL 化是記者唯一出路?」,不論你係記者,還是 KOL,你有無諗過呢個問題呢?其實「KOL」真係重點咩?媒體入面有「KOL」真係唯一出路?媒體入面無「KOL」就唔掂?有「KOL」就一定掂? 石先生覺得唔係,我地唔應該俾「KOL」三個字蒙蔽雙眼,重點根本唔係「記者 KOL 化」,係過去咁多年媒體都叫記者要模糊自已,要做一個追求中立,無個性嘅記者,久而久之你會見到好多記者都無咩個性,只係打稿機器,無咩獨立思想,同機械人無分別。 你見到網媒有「KOL」,覺得佢好得?原因係咩?係佢講嘅野有佢嘅性格,你知佢係一個有血有肉嘅人,佢講嘅野係有思考過,會敢於用自已名來承擔後果,唔係一啲叫「迪士亞路」「香港仔黎明」嘅筆名記者寫出來,你睇住佢寫嘅野,慢慢積落信用,敢於相信佢。

用數據來說話的 2016 年

廣告狂人話年度詞語係 KOL。哈!以今時今日 KOL 嘅定義,石先生應該無咩資格做 KOL,都係做番一個小小 Blogger,搵 Google Adsense 幫手交下 Server 錢算了。今日係 2017 年第一日,石先生用數據來望望 2016 年唧情況,來個小回顧。 先來睇下 Web Site 人必定有嘅 Google Analytics。2016 年有 888,480 User,2,842,179 個 Page View,每人大概睇 2.43 頁,平均時間 1 分 51 秒。以呢個數字來講,石先生係滿意嘅,因為以今年無再寫『新聞』,只係寫個人體驗、感受來講,數字唔算失禮,而且讀者主要都係香港人,無驚喜但也算正常!