Google Gemini 的推出,對我們未來的互聯網使用有何影響呢?這波的 AI 浪潮暫時看來還沒有衝擊到生活,但實際上這波 AI 浪潮就跟當年的 iPhone 一樣,正逐步的改變我們生活,改變我們的使用習慣。像 Blog 這種東西一樣,從 Faebook 開始出現後價值就持續下跌,等到接下來的 AI 浪潮將正式歸零。
ChatGPT 推出後,網絡上很多用途教學,很多人在做驚天動地的事,但石先生跟太太說後,她回了一個很簡單的問題,「現在,AI 可以在生活上幫到我什麼?能幫我工作?幫我 100% 完成 PPT?做家務、煮飯?還是出街搭車買野?」
沒錯!ChatGPT 至今的 AI 聽起來很厲害,但它們還只是一個輔助角色,並不能夠完全取代我們日常在做的事情,但 Google Gemini 推出,配合 Google Assistant 的使用,給我們更直接看到未來 AI 如何改變生活。
生活問題
這個日常的應用很簡單,沒有深奧的數學問題,沒有需要理解的圖文,只要回答生活中的問題便可。問題是:
太二酸菜魚喺又一城邊層
講下背景先,太二酸菜魚於 2023年12月(約12日)正式係又一城開張營業,位於 Shop L1-18,全香港有多間分店,均位於不同的商場之內。
P.S. 點解會用呢個問題呢?好簡單,石先生有次去買外賣,趕去的時候唔知幾多樓,而又一城又多唔同層數,所以就直接打開 Google Gemini 試試,一試就試出分別了。
現時 (以往) 的尋找方法
以現時的方法,在香港要尋找此答案,做法不外乎在 Google Search 尋找「太二酸菜魚 又一城」,然後睇第一個答案,望下地址寫咩,就會知道係幾樓。圖片大概係咁。或者再香港人一啲,打開 OpenRice,輸入太二酸菜魚,然後睇地址。
![](https://stoneip.info/wp-content/uploads/2024/02/Screenshot-2024-02-19-at-15.32.13.jpg)
Google Gemini 回答:成功
用 Google Gemini 回答又會點呢?Google Gemini 直接回答「太二酸菜魚喺又一城 L1 樓,L1-18號舖。」,然後再附上前往方法及參考圖片(不過張參考圖片係錯嘅!)
咁樣睇,你覺得回答啱用嗎?Google Gemini 直接、簡單,問咩答咩,唔駛再搵,唔駛打開頁面或者 App,直接了當。先回應問題,提供答案,下方再提供輔助。
![](https://stoneip.info/wp-content/uploads/2024/02/Screenshot_20240219_114251-703x1024.jpg)
Google Assistant 回答:失敗
無得用 Google Gemini,用番 Google Assistant 會答左啲咩呢?一樣只係俾個 Google Business 資訊,並沒有回答問題。
![](https://stoneip.info/wp-content/uploads/2024/02/Screenshot_2024-02-19-13-48-14-619_com.google.android.googlequicksearchbox-556x1024.jpg)
這是一個簡單的使用示範,但背後卻影響深遠。始終香港在這波 AI 浪潮中幾乎變成了北韓一樣,被隔絕起來,若一直無法改變此事實,那麼在互聯網使用習慣上將持續落後,與世界脫軌。
ChatGPT 4 回答失敗
OK!轉一個方向,既然 Google Gemini 得,咁其他 AI 又得唔得呢?睇下 ChatGPT 4 係手機 Apps 上的回答,回應停留在 2023年6月的新假期預告內容,並沒有實時的最新資料。
![](https://stoneip.info/wp-content/uploads/2024/02/Screenshot_20240219_151004-1024x634.jpg)
Microsoft Copilot 回答:半成功
至於 Microsoft Copilot 回答則是半成功,配合網絡實時資訊,利用 OpenRice 的答案,告知在又一城的地下一樓 L1-14。這個回答算成功,但也不算成功,因為在又一城的 L1 是對的,但不是 14號舖,是 18號舖,而且又一城的 L1 不是地下一樓(又一城仲有 LG1),L1 是一樓,所以半成功。
睇番 OpenRice 資料,其實都係寫 L1-18,點解 Copilot 會答左 L1-14 就不得而知了。
![](https://stoneip.info/wp-content/uploads/2024/02/Screenshot_2024-02-19-15-03-27-518_com.microsoft.copilot-edit-972x1024.jpg)
![](https://stoneip.info/wp-content/uploads/2024/02/Screenshot-2024-02-19-at-16.19.57.jpg)
Apple Siri 回答:不成功
至於 Apple Siri 點呢?Siri 沒有 AI,Siri 當然只能提供 Search Result 的效果。
![](https://stoneip.info/wp-content/uploads/2024/02/IMG_0664-924x1024.jpg)
連帶的影響
影響來講,最直接當然是這篇內容文章,我們在未來直接看到原生內容的機率會降低,看到的內容都被 AI 先閱讀後再呈現。閱讀量降低不僅限於被 FB 或 Google 演算法等影響,而是受人類減少使用 Google Search 而永久改變。
內容文章觀看被減少,能夠顯示網絡廣告的版位也減少,撰寫內容的人類收入滅少,連帶原生內容也減少,形成惡性循環。最後,Google Ads 的投放位置減少,廣告位價格下降,Google 收入也會降低(Google 收入逾八成來自 Google Search / Google Ads)。P.S. 不過要使用 Google Gemini Advanced 也需要訂閱 US$20。
這個改變也代表以往的 SEO 產業會被改變,特別是現時的 AI 內容幾乎都以 English 為主,再配合當地的語言轉譯或提供。若像「太二酸菜魚喺又一城邊層」這問題當然不太受影響,但如果是全球性的問題,則會被 English 世界所主導。
從內容的角度,未來本地內容的價值除非很本地,是 English 世界不能取代,否則 AI 幾乎都很難看得上眼。若是 English 的內容則進一步向大媒體靠攏,餘下的文字內容想要生存便愈來愈困難。
FAANG
至於 FAANG 有何變化?Facebook 當然會受影響,但 Facebook 一直以來都是主導推內容給我們,而不是被動讓我們找內容,加上我們很多的個人數據幾乎都在 Facebook 手上,如果配合理佢依家嘅 Quest 3 及 Ray-ban Meta Glasses 係回答上應該更加準確。
Apple 都要急起直追,始終無 AI 回答,Cloud Service 等都輸緊,除左有一班忠實用戶外,現階段都睇唔到係 AI 浪潮下有咩著數。
Amazon 就相對更加大鑊,AI 有算法,但無咩使用場景,由 Online Shopping,到 Offline Shopping,去到 AWS,AI 可以融入營運,但似乎顧客本身唔會直接依賴 Amazon AI 去做任何事情。NETFLIX 就更加唔駛多講,根本唔多關事。屆時 AI 回答電視、電影等如果排除 NETFLIX 都幾大鑊。
至於 Google 就好似上述所講,Google Search & Ads 收入減少,但因為手執 Android 配合埋 Google Gemini 訂閱應該會有一輪震盪,但到底因 AI 帶來的訂閱可以取代多少 Google Search & Ads 帶來的收入仍然是一個疑問。P.S. 係 AI 答案下攝個廣告入去有無用?你話呢?
反而成個 AI 浪潮中,Microsoft 雖無手機系統,但有 Desktop、PC、Server、Azure 有 OpenAI 及 MetaAI,手上嘅牌真係夠哂靚,如果用得好,或者成個 AI 浪潮入面最賺係佢。
以上當然都係吹水,始終未來 10年係 AI + AR 世界,我地仲係好前嘅階段,真係點變之後先知。