1. 成日話「85萬名業主供滿樓」係利好樓市，樓市無得跌，咁又係咪真呢？（無人有水晶球，大家都係九嗡）
2. 第一面係話多人供滿樓，所以呢班人無供樓壓力，就算樓價跌都唔需要減價賣，樓會好難跌咁話。
3. 不過，事有兩面。85萬名業主供滿樓，佢地無 Sell 嘅需求，咁都應該無 Buy 嘅需求。一來 85萬入面一係自住，一係放租，前者未必再想買多橦，後者也是如此。
4. 既然這 85萬名業主，沒有 Buy or Sell 需求，樓市的餅是否又縮細左？供需同減，有價但無市？
5. 85萬業主，大家都唔放。一個樓市大餅縮細左，當然好價，跌少少都有足夠買家接貨，自然頂得住個價。
6. 但… 如果 85萬業主竟然 Sell，佢地其實可以平過市價 Sell，只要唔平過廿卅年前佢地買入個價加供息就得，咁你又覺得可唔可能？
7. 當然，唔會無端端 85萬業主齊齊放，但 Sell 嘅多過 Buy 嘅，Sell 嘅又急過 Buy 嘅，例如移民，睇唔好未來，提早套現都係一啲加大 Sell 而減低 Buy 嘅原因。
8. 望下身邊，呢幾年有幾多人賣樓，又有幾多人買樓。成日講嘅硬需求，買樓最大因素結婚生仔組織家庭嘅有幾多人？
9. 九嗡左咁多，其實樓價都未必跌好多嘅，只係可能由供樓抵過租樓，買樓必定升變成租樓好過供樓，買樓唔係必賺咁解。（咁又加息通脹的話，又會必賺）
10. 樓市要保持升，除左通脹，經濟好，都要睇下有幾多人遷入個個城市，遷出遷入該城市嘅又係咩人，對必然要住屋嘅需求又有幾大。（大城市梗係要睇周邊，因為大城市係吸周邊來漲大自己。）
11. 唔知你覺得香港呢個城市，仲有幾多吸取周邊城市養分嘅能力呢？#買樓自住與否只要借錢買都係人生賭博
