又係時候諗下自己係個家長點算好～
做人老豆，見到呢啲 post 第一時間都係要為未來著想！如果第時自己個仔，好似件事咁，整爛左野，作為老豆，我點算好呢？
諗深一層，個刻都唔應該理個店員住。有老婆在身邊嘅話，應該要教左仔先。如果得自己，自己都要教左仔先，阿仔起碼講番句 Sorry 先可以再繼續落去，理個店員。
咁當然阿仔唔止要 Say Sorry，佢自己儲落啲零用錢都要貢獻出來賠償先掂。
不過咁，你標 $52,000，我又係咪真係俾 $52,000 或直接現場找數呢？又唔係嘅，直接找數係「私了」。幾皮野條數咁大，都係「公了」好啲。跟正來做，報警，落案，向法庭搵我索償咁會好啲。
一來賠幾錢，之後平心靜氣，坐定定慢慢計，法庭作為第三方計都好。二來即刻俾錢了事，阿仔覺得有咩事，老豆俾錢化解其實唔太好，有手尾跟咁佢先會記得件事。（你唔係以為講左句 Sorry 佢會有深刻教訓呀～）
反正最多要俾 $52,000 教仔，不如藉此機會好好教 ，好過 60s 內攞錢解決。
