無碼，入唔到去試玩，唯有偷圖講兩句
有個 A.I.工具（未知用咩詞匯，咁叫先）叫 DALL·E 2，只要你輸入一句說話，佢就可以 GEN 一幅畫出來，而幅畫係有 Art Sense 嘅。
以下呢張偷圖係一個 Example，除英文外，中文都食到，本身係輸入左等幾分鐘就出左下面張圖啦！
靚唔靚？藝術成份有幾高？你可以慢慢抨擊，但起碼凡人如石先生，想畫幅「小樓昨夜又東風」，就肯定不如用 DALL-E 2 幫我 GEN 出來更快更靚！
以前會話電腦可以處理數據，文字，圖片，識別，誇算，但好難 create。今天證明這想法錯了，A.I. 可以 Create 了，而且是 create 人看到有感情的 Art.
一代經典當然難以複製，難以被 A.I. create。要 Create 驚世之作也唔係㩒個制咁簡單，但普通人想買幅畫就唔駛再周街搵，用 DALL-E 2 輸入句子就 GEN 出來俾你。你講得愈多形容詞，愈貼近你想要嘅野，然後再 print 出來就得到你想要嘅成品，單係咁就會改變成個市場。
莫講話今次 DALL-E 2 背後更深層次嘅意義。當文字，圖片，影片都慢慢被攻陷，未來人要做的事，有多少是電腦不能做的？你睇 Spider-Man Far From Home 時，啲幻像要靠人預先設計，要慢慢畫出來，但隨著 DALL-E 2 進步及改變使用方式，一句說話就可以一句搞掂哂，而且快！
即係點？今時今日講 metaverse 元宇宙，仲係諗住個場景係慢慢由人畫出來，但由今天開始，像 DALL-E 2 這樣的 A.I. 出現，電影《Ready Player One》裡的場景 A.I.做出來就好，像今天受歡迎的 Epic, Unity，他們的 game Engine 有被指可以用在 metaverse，但看到 DALL-E 2，幾乎可以跟他們說 bye-bye。中短期當然不能沒有他們，但長遠一定是 DALL-E 2 之類的 A.I. 生成。或許 metaverse 一塊很重要的拼圖，今天出現了！
