活到老，學到老！依家呢個世代仲點可以唔讀書呀！細個讀嘅書，今時今日仲有用咩？除左 Primary School 學嘅一啲社會基礎知識外，Secondary School 學嘅大部份野來到社會都唔多實用，或者去到 University 學嘅一旦好專，唔係同之後返工有關，就更加可能唔知自己浪費左啲時間去邊。所以無論你今時今日幾多歲，得閒真係讀下書，特別係一啲同自己行業相關嘅，更加需要。
舉個例，石先生作為 80後，中二先來學電腦，除左學識左 HTML 外，咩都無學過，試問如果仲係留戀當時嘅知識，唔再自學，試問仲點有競爭力呢！
你買部 iPhone / Android 手機返來，你都會花少少時間學下點用，唔識上網自學都會問親朋戚友左問右問，更何況係同人生工作相關，點可能唔持續學習呢！
生活在網絡，工作在網絡，Digital 到底識幾多？係覺得自己識，還是覺得朋友覺得你識？如果係第三者，你又點話佢知你識呢？Reference？還是簡簡單單一張 Cert？就算唔俾人睇，你又點肯定自己真係識呢？自己覺得自己識？
為左 Confirm 一次自己係咪識，有咩不足，其實如果你都係同 Digital 有關，可以去讀一讀 Google Digital Garage 嘅 Course，入面係 Video 介紹，再俾你搭「選擇題」，當中有一個 Course 叫做「數碼營銷基礎概念」Fundamentals of Digital Marketing（即下面個張），完整學加測驗需時 40hrs，分 26個主題。讀完考埋可以拿一張證書，自己知，人地知，你真係對 Digital Marketing 有一定認識，唔係吹水！
當然，呢個 Course 嘅程度好淺，如果你有經驗做過幾年，應該可以直接入去做測試，花一晚應該搞得掂！試下自己識幾多，有咩漏左唔知，點解唔試下呢？
