石先生雖然係一個近來不活躍的科技博客，但都要同大家講，請你由即日起，使用 VPN 上網，保障自己數據，安全上網。
平時上網
首先，你平時上網嘅時候，最基本嘅上網路線係咁！由你嘅電話，發送訊息俾電訊商（ISP），然後發送訊息去目的地（例如討論區）。最簡單可以望以下 YK@ePrice 畫呢幅圖，好簡單就睇明。
1 個想偷睇你上網紀錄嘅人士，佢係可以截取你 ISP 至 討論區之間的資料，而如果有法庭嘅許可，任何人士都可以向 ISP 要求獲取你上網嘅資料，所以用 VPN 係其中一步保護自己的方法。
VPN
VPN 嘅原理好簡單，就係當你上網時，由 ISP 去 討論區個一程中間加一個 VPN 伺服器。即 ISP 只係知道你去 VPN，而你去左邊個網站或者討論區，ISP 係唔會知道的。要理解也都好簡單，只要望下面呢張圖就得，十分簡單清楚。
千萬不要用「免費 VPN」
要選擇 VPN 有一個好重要嘅原素，就係千萬不要使用免費 VPN。因為你每次使用 VPN，你嘅資料都會經過 VPN 嘅 Server，如果你揀錯 VPN 的話，將自己資料送俾人，仲危險過唔用。
全世界大部份提供「免費 VPN」的公司，無論佢嘅所在地係邊，大部份都被中國資金收購左，而呢個情況係 VPN 界也有共識，認為係一個不尋常的活動，所以大家千萬不要使用「免費 VPN」服務。
千萬不要使用「大學 VPN」
除左不要使用免費 VPN，也不要使用「學校 VPN」，因為大學或任何公營機構的 VPN 均需要實名登入，而登入後經這些 VPN 雖然能夠被終端隱藏 IP Address，但由於你使用的 VPN Server 是學校的，即你的所有加密數據都會有一個 Copy 係大學，即你自己送資料俾大學。
大學作為一個由政府資助，由特首做校監的機構。若有法庭要求，可以將有關數據交予任何人，有關伺服器也相對容易被有心人士於實體伺服器中心攻破控制，如同任其觀看，在實際情況上毫不安全。
5 個較可靠的 VPN 介紹
2. 要用 VPN 有幾個輕易也簡單的選擇，以下提供四個最無痛嘅選擇：
A. Cloudflare 推出的 WARP（Android / iOS App 都有）
由 Cloudflare 推出的 VPN 服務本身有快啲嘅收費版本「WARP+」，有加密，但沒有完全隱身功能（即更換你的 IP Address )，適合普通上網俾錢或入信用卡資料時保障自己，每月港幣 $39。如果唔想俾錢，可以用住 FREE 版本先，下載連結：https://lihi1.me/K9msF
B. AVG VPN（Android / iOS App 都有）
捷克公司都有推出 VPN 服務，有隱身功能，加密等 VPN 常設功能，無免費版本，知名公司得來也都平，但捷克公司信唔信得過就睇你自己點睇啦！一年收費 $118。（https://www.avg.com/zh-tw/secure-vpn）
C. Norton VPN（Android / iOS App 都有）
美國公司推出的 VPN 服務，有隱身功能，加密等 VPN 常設功能，無免費版本，賣點係全球知名大公司。一年收費 $218。（https://hk.norton.com/wifi-privacy）
D. ProtonVPN（Android / iOS App 都有）
瑞士公司推出的 VPN 服務，有隱身功能，加密等 VPN 常設功能，無免費版本，賣點係有雙 VPN Server 服務（詳解看此）。一年收費 $750。（https://protonvpn.com/）
Tor Project
基本上，Tor Project / Tor Browser 算係一個「免費 VPN」服務，但佢因為知名及使用多個 VPN Server，所以你真係無錢俾 VPN 上網，用佢都不失為一個方法。
Tor 嘅原理基本上係咁，你上網會由 ISP 去 VPN 1 再去 VPN 2 再去 VPN 3 然後先去到網站，而由於經得愈多中途站就愈難搵返原點，所以理論上都相對「完全免費 VPN 」安全，也提供了隱身再隱身的能力，下載連結：https://www.torproject.org/
根據斯諾登提供嘅資料，美國軍方可以用電腦硬解部份 Tor Project 嘅加密數據，至於其他非美國軍方的機應該未有咁強嘅能力，但當然部份嘅 Tor Project 接點可能身處 CN HK MO KP IR SY PK CU VN 呢啲地方，所以係使用上也都要設定避開呢到地址嘅 Tor Project Server（教學看此）
Tor Browser
Tor Browser 係一個再簡化一層嘅版本，即你只要用瀏覽器就可以享受 Tor 嘅服務，對於懶中之懶來講係最簡單的方法，無論係電腦、Android、iOS 都有得用，記得下載：https://www.torproject.org/download/
未夠的
好啦！用左 VPN 係咪一切好安全呢？其實唔係，因為仲有另外 2 大關口：
1. 你部手機
2. 你嘅上網電話卡
下回再續
