電池依個時代人人都有一粒，咁呢粒 ProMini X10 1000mAh 又有咩特別呢？特別在佢多插頭。
一般嘅電池通常都有一個 USB 插頭，新嘅嘅有兩個，而 ProMini X10 就有四個，兩個 USB，一個 USB-C 及 一個 microUSB。咁多插頭點用呢？好簡單，USB-C 插頭本身支援 PD 標準快充，所以你用 USBC 線就可以為支援 PD 嘅裝置快充，好似 Switch 咁就係其中一種支援嘅裝置。
而 microUSB 係輸入用，所以屋企有舊嘅充電線，唔駛扔左佢，可以拿番來幫電池充電。以石先生個人來講，因為平時用 Korin 新款嘅 FlexPack Pro 嘅背包，佢本身係 USB 出、USBC 入，所以搭 X10 就啱啱好，可以用 USB 幫手機充電，返到屋企就用 USBC 插入背包幫電池充電。
包裝盒上本身已經寫左 PD in/out，9V/12V 快充，18W
電池本身有電量顯示，可以直接睇到仲有幾多電。
