上面有兩盒線，左邊係 ProMini Type-C to C 5A Braided Cable（200cm）；右邊係 ProMini 3.1 Gen2 Type-C to C Braided Cable (100cm），兩條線一樣支援最高 100W 5A PD 快速充電，有 MacBook 嘅朋友應該好需要。
比較特別係右邊嘅 100cm 更支援 USB 3.1 Gen2 制式，可以有 10G 數據傳輸速度，即係話短啲個啲除左可以充電外，仲可以傳資料。如果你真係有野要用 USB-C 制式來傳資料嘅話，咁就揀右邊短啲個條。
其實就咁睇盒未必一眼就睇到個差別，但 ProMini 嘅設計算幾好，兩款擺位介紹等一樣，等你好容易咁望到右邊 100cm 個條多一個 USB3.1 Gen2 嘅標誌（右下角），等你明白兩條嘅差別除左長度就係呢個數據傳輸。
至於後面嘅 Product Feature，兩條線其實差唔多，主要就係左邊 200cm 嘅係 USB2.0，右邊嘅係 USB3.1 Gen2。
無論係邊條線，係其中一邊頭都有清楚寫上 5A 100W 嘅識別，等你知道自己手上呢條線同其他嘅唔同，而其實條線幾硬身，你睇石先生係盒拿出來後其實佢無鬆哂，仍然保持一定嘅彎度，可以見到佢係線材嘅保護上做得幾好，而且插頭位都特別長一啲，也都多啲防護，唔駛驚佢好似 Apple 啲線咁用一年就斷咁脆弱。
