今時今日拿住 Asia Miles 換機票真係比想像中還要難的事。
其實都唔可以咁講，因為就咁換啲短途機票嘅話唔難，早啲換，大把機你揀，一啲都唔複雜，但如果你係要訂長途就真係花啲心機，特別係想換盡啲嘅話，時間真係要好 flexible 先至得。
機場 Asia Miles 櫃位
石先生早前去左換機票，但唔係就咁上網按或者打電話，而係用一個一個有啲極端嘅方法 – 入機場去櫃位換。係，為左換機票入機場真係好跨張，但行開係附近入一入機場都還可以（其實一樣都係變態，平白無事入機場，貪近）。
言歸正傳，入機場換其實都係得一個 Asia Miles 櫃位，成個機場有需要換 Asia Miles 嘅人都係個個櫃位。換機票嘅還好，時間唔急，但如果有緊張需要搵 Asia Miles，你又走左去霸住個櫃位換機票，真係多得你唔少。
正正係因為咁，所以石先生今次嘅入機場換 Asia Miles 其實有三個部份。第一個部份當然係自己計好想要嘅野及各類後備方案。第二喺係一個無人排隊時間行去 Asia Miles 櫃位，詢問心儀目的地嘅時間及機位情況。
由於實在太花時間，所以當係櫃位問左大概情況後，其實櫃位職員都會叫你不如打電話，如果唔係你後面一排隊，真係會換機票換到阻住地球轉。就係咁，第三部份就係係櫃位到用左櫃位電話直駁番 Asia Miles 條熱線，然後進行最後的心儀目的地時間及機位查詢及出票。
頭尾花了 1.5 小時
雖然有三部曲，但其實第一、二部份自己係屋企打電話都做得到，如無要事真係唔好入機場 Asia Miles 櫃位換機票，費事阻到真正有要事嘅朋友。
結果係石先生花左一個半小時搞掂成件事，比想像中嘅半小時多花了三倍時間，換來的就是 100,000 分香港去歐洲再去日本再返香港。至於玩法大家都係去睇小斯，反正都係睇教學，完。
