信用卡 / Mobile Payment 【教學】乘搭「機場快線」 可申請交通津貼(公共交通費用補貼計劃)

【教學】乘搭「機場快線」 可申請交通津貼(公共交通費用補貼計劃)

-

去機場旅行會搭機場快線嘅朋友,留意啦!因為「機場快線」一樣屬於政府(公共交通費用補貼計劃)嘅補貼範圍。以下就同大家講講點樣申請補貼。

八達通出閘

如果你用八達通出閘,而本身張八達通已經申請左(公共交通費用補貼計劃)的話,你不需要再額外申請,可以靜待月底政府補貼。


來回票 或 二/三/四人同行票

如果你係買單程票,SORRY!單程票不在補貼計劃範圍內。只有「來回票」或「二人同行」、「三人同行」、「四人同行」先包含係計劃內。


提提你:機場出市區一樣可以係到站後買「(多)二人同行」票,咁會慳錢啲嫁。

1. 記得拿收據

以石先生今次買嘅「二人同行」票為例,拿票後最最最重要係「拿收據」,因為要申請(公共交通費用補貼計劃)需要收據上的登記號碼先得。

2. 去地鐵站搵呢部綠色機


3. 輸入登記號碼


搵到部機後,在「指定車船票自助登記站」主目錄上選擇「機場快綫車票」,然後輸入收據上的登記號碼 (6位數字,位置係 QR Code 上)。

4. 拍卡再拍卡

搞掂後,根據指示先拍機場快線的票,再拍已登記計劃的八達通。


5. 搞掂


見到呢個畫面即係搞掂啦!


此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。

本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。