旅行紀事 東京地鐵、鐵路地圖重點全集

東京地鐵、鐵路地圖重點全集

-

東京嘅次數雖然一對手都唔夠數,但始終都搞唔清左啲鐵路咩打咩,因為實在太太太多選擇啦!每次去都要搵番幅鐵路圖出來慢慢睇。

問題係東京真係太多鐵路,JR、Metro、都營地下鐵、電車、輕軌,多到睇 Google Map 都唔掂。特別係每次搵地方住時,真係無得唔睇地圖。為免次次都慢慢搵,決定都係收藏哂東京常用係到方便自己。


至於什麼一日劵、三日劵等等,石先生唔多用的,所以不在此限。


JR 東日本地圖

中間綠色個條就係知名嘅「山手線」,石先生覺得知名嘅原因係佢經過大部份東京旅遊京點,第一次去真係識搭佢就得,但站多繞路由東去西真心唔夠快,去得多嘅都搵到其他路線選擇避開山手線。

想理解東京嘅大概,睇佢就啱哂,下圖按即開啟全尺寸 PDF 版本。

按此圖下載全尺寸 PDF

地鐵路線圖

由於 JR 東日本個啲叫「鐵路」,因此東京達人會話你知以下呢堆先叫「地鐵」,而由於東京嘅「地鐵」仲有分「東京地鐵」及「都營地下鐵」,所以你不幸遇上東京魔人嘅話,佢或者會再串你分唔清楚。


不過點都好,唔駛驚,因為你只要有一張日本嘅 IC 卡(即八達通),就咩鐵都搭得,唔理佢係「地鐵」「都營地下鐵」或「JR 東日本」嘅鐵路。


除左 JR 東日本嘅鐵路外,地鐵都係東京嘅重要交通,好多快過「山手線」嘅鐵路都係地鐵。麻煩係市區地鐵嘅站口唔明顯,特別係係渉谷、新宿、東京站呢啲 JR 大站,到時睇清楚標誌。

按此圖下載全尺寸 PDF

高達壽司線

高達壽司線呢個名係石先生自己改嘅,正名應該係「百合海鷗線」。佢最主要就係「台場」站睇 1:1 高達、「青海」站睇 Toyota、TeamLab 或者 Outlet 及最新去「市場前」站食壽司。


搭呢條線嘅,多數都係「新橋」站上車,因為新橋站有 JR 東日本嘅「山手線」,也都有「地鐵」,算係最初階方便。


 

小田急線 – 去鎌倉江之島

「小田急線」搭嘅人主要都係一個目的,去鎌倉江之島一日或兩日遊。簡單可以直搭去「片瀨江之島」站,再轉綠色車廂嘅「江之電」,由江之島出發去到 N 咁多人嘅「鎌倉高校前」影沒有籃球之籃球路口,再去「長谷」睇鎌倉大佛,再一路去鎌倉。

按此圖下載全尺寸 PDF

不過石先生係搭「JR 東海道線」去「大船」站,轉「湘南單軌電車江之島線」落江之島,再搭「江之電」的,因為想搭「湘南單軌電車江之島線」。


以上圖片及 PDF 全部來自各鐵路公司,詳細請到鐵路公司觀看,按圖即可前往。



此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。

本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。