石先生係搵資料寫專欄嘅時候，咁啱我見到呢條片叫「支付寶對八達通: 底層技術誰更先進？」
如果你對科技野無咩認識，但又想知到底邊個勁啲，建議你睇下呢條片，真係深入淺出，解答左唔少問題。以為邊個再同石先生講八達通 NFC 先進過 Alipay QR Code 嘅時候都係 SEND 呢條片俾佢算數，費事講咁多。
正如片中有提到日本 Suica 卡都已經同 Apple Pay 及 Google Pay 合作，將 Offlice Processing 嘅加密技術放入手機，而香港嘅八達通都有將 Octopus 加入 Samsung Pay，未來到底可否將八達通加入 Apple Pay、Google Pay 係商業嘅問題，而唔係技術問題。
就呢個問題，石先生其實都有問過八達通嘅好高高高層，叫佢快啲將八達通加入 Apple Pay、Google Pay，答案係….
好多時候商業嘅野係無奈的，正所謂「神女有心襄王無夢」，八達通想做，唔代表 Apple 想同你傾。日本咁大個市場，Apple 當然同佢傾先，傾完日本都仲有比香港大嘅市場，香港八達通幾時先有得係 Apple Pay、Google Pay 上用，除左視乎八達通與 Samsung Pay 個 Deal 有無保護條款外，或者更重要嘅係 Apple 與 Google 想唔想同八達通傾。
現實啲睇，Google 鐘意做平台等大家來加入，中短期或者都有機會將自己個 Google Pay 開放出來俾世界各地 Metro Card 嵌入去用。唯 Apple 習慣要與他作伴，要傾或者唔係各地 Metro Card 肯就得，要睇 Apple 揀唔揀你先得。
