如果你仲有留意石先生部落嘅話,你應該會發現石先生近一兩年除左固定嘅專欄文及一啲工作文外,其實已經唔多其他文。

無計!正事好忙,忙到連寫文都無時間。唔係話無時間坐係到打字,就算有時間坐係電腦面前,個腦都無空間去想打咩文,也都無時間去想其他野,思考嘅時間真係俾好多野霸佔左,公私兩忙,人生就咁進入另一個階段。

一如之前所講(唔好意思,之前 Web Site 死左,無哂之前嘅 Post,無得 Backlink),離開安樂窩,落力左做生意,人生嘅體會真係唔同。做生意呢,真係無人話一定對你好。你有價值咪有人對你好囉,你無價值,人地唔一定要對你好。

即使你有價值,但有時候都唔係話大哂。點價呢?因為人地可能係打從個心到唔鐘意你,或者覺得你嘅價值損害左佢嘅價值,咁係呢啲時候,就算你有價值,人地都唔鐘意你,或者明明你嘅存在係幫到佢,佢都一樣唔會幫你,仲反而損害你。原因?石先生仲未參透到。

唔好講到你幫人,人幫你咁偉大。如同教科書所講,呢個世界總係有啲人鐘意損人不利已,搵事來搞,你唔搞佢,佢得閒無事就來搞你。所以話呢!呢個世界其實真係複雜又麻煩,都係讀書好,無憂無慮。

回應番文首,點解有時間打呢篇野?因為訓唔著囉!


AE 鋼卡優惠:http://u.stoneip.info/aepcardoffer
AE 鋼卡申請法:http://u.stoneip.info/aepcardapply

AE 積分兌換法:http://u.stoneip.info/aepoint

AE 國泰卡優惠:http://u.stoneip.info/aecathayoffer
AE 國泰卡申請:http://u.stoneip.info/aecathayapply


【此文章刊載於石先生部落;標題:【無題】價值 ;本篇文章為贊助內容;強制廣告:HisTrend.HK 給你不一樣的科技產品】