短消息 包裝紙托都可以有暗花,印章也可以一分鐘做好 - 「香港國際印刷及包裝展」

包裝紙托都可以有暗花,印章也可以一分鐘做好 – 「香港國際印刷及包裝展」

-

「香港國際印刷及包裝展」聽個名就會覺得好遙遠,與自己無關係,但行到入去展場就會發現其實人生於城市,每一日其實接觸好多印刷品及包裝。一個好普通嘅盒可以係包裝,但如果佢上面有圖案或字,就係印刷品,印刷與包裝有少少密不可分。

先講最簡單,睇落最無特別嘅包裝。我地買嘅每一件產品,唔多唔少都會有托,有可能係普通嘅紙托,有可能係易醉品所以有塑膠泡泡,也可能係下圖呢啲硬卡紙托。


硬卡紙托多數都係卡其色,睇落唔會好特別,但其實要將佢整得靚都有好多方法,例如今次入到來「香港國際印刷及包裝展」就見到其中一間廠商展示佢地嘅成本。做嘅野唔難,就係係本身卡其色嘅紙托上面加入壓紋,令一個紙托可以有唔同嘅字樣,令平平無奇嘅紙托多一啲特色。


除左呢種壓紋嘅特色外,紙托一樣可以由卡其色變成其他顏色,例如純白色、純黑色或者純橙色,而其實你想要咩色都係溝出來。係顏色上再加壓紋,例如紅色托再壓紙嘅話,喜慶活動上就會好有吸引力啦!

唔講紙托,落番地啲!印刷一樣有啲得意野,例如我地要整一個印章,好多時候都要等一至兩日,唔係話有就有。原因好簡單,因為印章係雕出來的,即係有電腦加持都需要一啲時間,但好今次見到呢個 Xstamper QuiX 就唔同,由設計到整一分鐘搞掂。

做法上好簡單,你打開電腦,整好自己想雕嘅圖案或者字樣,例如下面官方嘅示範係有字有圖,而石先生自己印嘅版本就只係字一樣得。

係電腦上做好設計再有完成品,靠嘅就係下面呢部機器,佢係一部鐳射機,利用佢來將字樣或者圖案係獨有嘅物料上雕出來,然後再放上印枱上就成為一個用得嘅印章啦!


上圖呢個就係石先生嘅成品啦!你可以睇到呢個印章真係一個突出來嘅印章,唔係一個平面,而佢嘅使用次數達到 5,000 – 6,000 次,而且快乾防水,唔怕印左後掂到會散,真係一個幾好嘅印章,希望未來多啲呢種印章係市面上俾大家選擇。


香港國際印刷及包裝展
日期:4月27至30日
地點:亞洲國際博覽館
網址:www.hkprintpackfair.com/tc


此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。

本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。