【日本.大阪】道頓堀水上觀光船 – 由頭睇橋睇到尾

買了「大阪周遊卡」,其中一個很想去的活動係「道頓堀水上觀光船 」,但估唔到最令人失望也都係佢。

可能石先生以前係 Amsterdam 坐船經驗太好,所以對大阪水上觀光船有期待,但始終都係唔值得。如果以世界咁多個城市內坐船之旅來計,其實法國巴黎的坐船經驗都唔係想像中咁好,仍然係 Amsterdam 排名第一。

japan-osaka-67

要坐「道頓堀水上觀光船 」其實就係激安前面,也即係固力果人旁邊,勁易搵。


坐船都大家想像中一樣,要先買票再坐船,但因為日本人係好準時同好有規矩,所以你買票都唔係即時有得上船,你要睇清楚時間,揀番個班時間的船先上到。

如果你不幸遇上旅行團的話,有可能要等多兩班,咁就要等多成個鐘先有得坐船啦!雖然話道頓堀好多野行,但又要行番轉頭都幾煩,建議都係一來到道頓堀就先去「蟹道樂」預約晚上食蟹時間,然後再買埋票坐「道頓堀水上觀光船 」就最好。

japan-osaka-69

係到等船無聊到同固力果人合照!
其實識合照,一定係咁合先至好睇!

japan-osaka-79

言歸正傳,「道頓堀水上觀光船 」真係好易搵,就係係激安隔離,係一蘭附近,要搵好簡單,具體位置名叫「太左衞門橋船著場」。

要買票上船係岸上一個八爪魚丸子檔隔離,細細個唔顯眼,要用少少心力先見到。(職員見石先生影相仲舉 V 字,哈哈!)


japan-osaka-76

睇清楚上面張相,你可以見到售票處隔離有寫住一個時間,個個就係時間最近一班有位的船時間。

你買左個班船後只要係上船時間前 10 分鐘前到達就保證有船坐,而係船票上係會寫明時間(紅字:16:30),而提昇到個時間就用手寫,係 16:20,

japan-osaka-74        japan-osaka-82

成架船都好細隻,你坐左上去講解員會提醒你唔好起身,而又真係唔好起身,因為起身實會頂到而且有危險,所以坐好就唔好亂郁。

japan-osaka-83

japan-osaka-77

又講番轉頭,點解上船個度會叫「太左衞門橋船著場」呢?


主要原因係個度有條叫「太左衞門橋」,也就係上面呢條木橋,一啲都唔難認,附近得呢條。

japan-osaka-86

成程船其實係不斷係橋底來來回回,然後聽講解員講每條橋嘅特色。旅客就當然係扮明,又係咁影相來做最坐陪襯,但其實成程船都好鬼無聊,因為旁邊真係無野睇,也難怪呢個景點你唔會見到啲人話好玩。

japan-osaka-87

即係當你坐到去呢個好似展覽館嘅野時候,你就會回程,再穿過番已經睇過嘅所有橋返碼頭,再影多一次橋建築及橋底,然後就上船啦!

好唔好玩?睇橋底可以有幾好玩呢?或者石先生唔識欣賞啦!Level 太低,無計。下次你想去玩,不妨去數下自已到底經過左幾多條橋,都係一個挑戰來!


一月京都大阪輕鬆之旅

  1. 【航空】香港快運的香港到關西體驗 – 後生仔唔好偷食啦~
  2. 【京都】Hotel MyStays Kyoto Shijio(京都四條麥斯泰酒店)- 呢啲就叫平靚正啦!
  3. 【日本.京都】搭巴士去清水寺
  4. 【日本.京都】清水寺 – 戀愛的地主神社、長壽的音羽之瀧
  5. 【日本.京都】從清水寺去八坡神社 – 寧靜的寺廟步道
  6. 【日本.京都】八坂神社 – 聞説拜了就會變美
  7. 【日本.京都】花見小路 – 這裡只能看舞妓,她不會跟你合照的
  8. 【日本.嵐山】京都去嵐山 – 嵐電去埋金閣寺
  9. 【日本.嵐山】竹木小徑 – 光是拍照就玩一小時
  10. 【日本.嵐山】廣川鰻魚飯 – 聞說一定要吃的米芝蓮一星午餐
  11. 【日本.京都】「嵐山 おぶう」- 抹茶雪糕再飽也能吃
  12. 【日本.京都】金閣寺 – 一個景拍不停
  13. 【日本.京都】 「やよい軒」- 宅男最愛火鍋飯
  14. 【日本.京都】前進伏見稻荷 – 京阪電車京都段
  15. 【日本.京都】伏見稻荷大社,拍不完的鳥居
  16. 【日本.京都】京都去大阪 – 地鐵駁地鐵
  17. 【日本.大阪】Hotel New Otani Osaka(大阪新大谷飯店)- 遙望大阪城夜色
  18. 【日本.大阪】魚心壽司,超厚切咪狂叫
  19. 【日本.大阪】餐旦壽司在大阪,翻叮會更好吃
  20. 【日本.新大阪】Hotel Consort Osaka(康瑟特酒店)- 新大阪旁的小酒店
  21. 【日本.大阪】大阪周遊卡 – 2日玩哂市內景點
  22. 【日本.大阪】梅田空中庭園展望台 – 高是有夠高的
  23. 【日本.大阪】通天閣 – 懷舊的觀光塔與周邊
  24. 【日本.大阪】Pablo 半熟芝士蛋糕 – 貴但也要吃一下
  25. 【日本.大阪】天保山大摩天輪 – 為坐而坐,沒什麼特別
  26. 【日本.大阪】大阪城天守閣 – 還是要來看一下
  27. 【日本.大阪】蟹道樂 – 預約吃個全蟹宴吧!
  28. 【日本.大阪】道頓堀水上觀光船 – 由頭睇橋睇到尾
  29. 【日本.大阪】日航關西機場酒店(Hotel Nikko Kansai Airport)- 最後一天住機場隔離有著數

 

japan-osaka-88japan-osaka-89japan-osaka-90japan-osaka-91japan-osaka-92japan-osaka-93japan-osaka-97


本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。

此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。