【台灣.台中】台中肉員 – 超大顆,兩人一口就好啦!

台中肉員係台中名物之一,佢嘅位置係復興路三段 529,即係係台中火車站隔離,係火車站行過去唔算遠,但也都唔算近,因為附近除左呢間野外就無其他野。

台中肉員最特別就係大粒,唔係燒賣咁嘅大細,係灌湯餃咁嘅大細,所以想試嘅朋友唔好叫咁多粒,反正無人趕你,一粒一粒來好啲。

TaiChung_Visit_024

TaiChung_Visit_022

呢碗野就係台中肉員,店內好多人食,個個都係老食客,好似好好味咁,但石先生其實睇個樣就知唔啱食。無他嘅!台中肉員本身係粉皮包肉,然後拿去蒸,蒸好後就拿醬食。作為由細食小籠包大嘅香港人,台中肉員嘅粉皮算厚,醬也好濃味,比較黏口,同小籠包根本係兩樣野來,唔調較好自己嘅思維,未必人人都啱食。


TaiChung_Visit_020

TaiChung_Visit_023

覺得佢太黏口又厚咁點算呢?其實好簡單,叫碗貢丸湯,清清地,咁就咩唔啱死都解哂啦!唔想食有醬嘅,其實都有炸肉員,呢個就香口易食,當食炸包都得。台中肉圓叫法同大部份嘅夜市小店一樣,門口俾錢拿小票,然後去櫃枱擺低搞掂。

地址:台中市南區復興路三段529號
電話:04-22207138
營業時間:11:00~20:30

TaiChung_Visit_021


本網站文章部份內容由不同公司贊助提供,全部內容均屬個人意見及感受,並不代表任何公司之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。

此文章刊載於石先生部落 ;本篇文章包含贊助內容,當您單擊產品鏈接時,我可能會獲得奬勵。