家居裝修紀錄】雖然寫得慢,但石先生都會完成佢,因為呢啲題目市場上少得來,其實石先生自己都好想寫,一來分享下經驗,二來第時有需要可以再望一次。

裝修嘅,你唔會唔知咩係單制,咩係雙制。如果你連單制同雙制係咩都唔明,咁就無咩好講了!以石先生今次裝修來計,單制一個 $700,雙制就 $1200,聽落做雙制好似抵 $200,但事實上又係咪呢?

答你之前,你先望下屋企啲電制插住啲咩!


light switch

電制實連拖板

無錯啦!屋企入面大部份電制都會連住一個拖板,而無論你用緊嘅係單制定雙制,你都實會連住個拖板,所以本身聽落好抵嘅雙制,其實唔係想像中咁抵,因為你整雙制後無可避免又會連拖板,結果唔係你想像中咁抵。

當然啦!拖板使用上有限制,例如你插冷氣、熱水爐、焗爐呢啲高用電量嘅野就唔可以連拖板,但如果你只係幫手機充電,咁就唔駛要雙制啦!


0001017_xpower-ps3q3-qualcomm-quick-charge-30-

真係有用就雙制

除左電壓問題唔用得雙制外,如果你屋企個個位真係會放好多唔同電器嘅,你都值得整雙制,一般來緊好似廳嘅牆身位、電視下面嘅電視櫃位、廚房嘅工作平台位都係雙制嘅熱門位置。

至於書房工作枱下面、睡房、梳化旁、電視機後一般都係單制比較多,特登整個雙制都未必有用。


single and double

做兩個唔同位嘅單制好過做雙制

既然係咁,點解整電嘅師傅又會建議做雙制呢?好簡單!依家做電線電制大家都係做暗線,即係先鑽牆打坑出來,放入硬膠管,再將電線收入去。

你做雙制(HK$1200)嘅話,鑽牆打坑都係同一個位,只係電制個位要開大小小,工夫唔會因為做雙制加倍。反之,如果你做兩個唔同位嘅單制($700),咁每個位都要鑽牆打坑再開電制位,每個制都要做全套服務,你話師傅鐘意你做雙制定單制。


石先生嘅建議係,如果你想唔清楚屋企到底有咩位要放電制,又想做定先,怕第時唔夠用,咁你最好係做兩個同位嘅單制,例如一個單制係牆嘅左邊,另一個單制係牆嘅右邊,都好過一個雙制係牆中間。

原因好簡單,你既然未決定到電制放咩位,即係傢俬都未必決定哂,咁嘅話就梗係唔同位置放定電制以便傢俬來到時仲有位用啦!

light-home

睇到呢到,知道幾時要整單制,幾時要整雙制未呢?至於邊到買電制,請睇上一篇:家居裝修紀錄(3)- 電制制面價格差一倍,走進內街很重要

家居裝修紀錄
家居裝修紀錄(1)- 睇樓與揀樓
家居裝修紀錄(2)-「真.首期」俾幾多?
家居裝修紀錄(3)- 電制制面價格差一倍,走進內街很重要
家居裝修紀錄(4)- 電制單制定雙制?唔好係咪都雙制
家居裝修紀錄(5)- 牆的電制要有 USB 嗎?
家居裝修紀錄(6)- 買門?門最少都有分三種




【此文章刊載於石先生部落;標題:家居裝修紀錄(4)- 電制單制定雙制?唔好係咪都雙制;本篇文章為贊助內容;強制廣告:HisTrend.HK 給你不一樣的科技產品】