坐爛塊地想補番?12 蚊店嘅膠地板五分鐘搞掂


明明係【買樓裝修紀錄】,但寫下寫下又偏離左自己間屋,今集同大家講下石先生自己點解決辦公室爛地板嘅問題。

辦公室地板好好地點會爛呢?其實都唔係無可能,因為好似石先生呢啲愈來愈重嘅人士,配合埋一張好睇唔好坐嘅高椅,日積月累就坐爛左辦公室嘅膠地板,唔整番好真係遲早坐到落樓下。

話就話坐爛塊 地,但其實石先生係整爛左塊膠地板,將本身已經有啲脆嘅地板再整爛埋,加上膠水已經無咩力,令到範圍愈來愈大,無得唔整!


當然,辦公室嘅地板未爛到連底層嘅地台都有問題,所以拆開左塊膠地板一睇發覺好易搞。
爛嘅係膠地板及下面啲「灰」,上手租客本身係地台之上加嘅紙皮石仍然原好無缺,爛嘅只係係紙皮石上面加嘅灰及膠地板,所以一切就方便好多。

呢塊辦公室嘅地板本身就有少少問題,因為裝綠色膠地板時無鏟起舊嘅紙皮石,偷工係地板上加一層灰再貼膠地板,慳左啲最煩嘅工序及扔少左垃圾。按正常應該要先清走舊嘅紙皮石地板,磨番平佢先上灰及貼膠地板,但貼綠石地板呢間公司就 …

floor_1600_01
石先生將本身嘅綠色舊地板掀起,可以見到有白色嘅灰都甩得七七八八,唔補番佢就會有個洞,但辦公室點會無端端有包灰,又唔想特登走去買平底漿(就算買成罐都用唔哂),所以最後決定放棄佢,清乾淨個底就裝新嘅落去。如果係自己屋企當然唔好咁做,但辦公室就唯有頂住先啦!


floor_1600_02

樓下雖然就係裝修料,但一般裝修店賣嘅膠地板,真係得地板唔包膠水,要痴又要買一罐,所以石先生直接買呢隻 – 12 蚊一塊嘅 DASIO 膠地板,一塊連地面連痴嘅膠水,方便到盡頭。

打開包裝,轉去背面,你可以見到成塊膠地板背面都已經係做好哂用來痴地嘅膠,好似我地用雙面膠紙咁撕左個面貼落去就得,仲方便過痴手機保護貼。

floor_1600_03

唔知係本身塊綠色地板問題定 DAISO 呢隻有問題,新舊地板尺寸竟然有 4-8mm 左右嘅差距,搞到要修剪下塊膠地板先可以補足啲邊位。


因為本身爛嘅位就係四個角,牽涉嘅範圍有九格,所以石先生一次過換哂九格,由右上角開始舖到左下角,直到其中兩條邊先知一次過積埋來收剪,唔張張修。

好彩呢塊 DAISO 嘅膠地板係剪得,普通嘅鉸剪就掂,所以用普通嘅間尺度好位後就直接落剪。剪嘅時候當然要小心,就番本身嘅位,唔可以多,唔可以少,要剛剛好,而石先生發現呢隻膠地板有個好處,就係佢有少少嘅彈性,可以補足人手剪嘅缺陷。本身要剪 15mm,就寧剪少(14mm),都唔多剪 16mm。

因為剪少左除左後來都可以剪外,仲可以用搥仔拓番佢落去,所以石先生個人係寧少莫多,至於你自己就邊邊就睇下自己剪功如何了。


floor_1600_04floor_1600_05

用普通鉸剪剪都得

floor_1600_06

成個背面本身就係膠水,撕開保貼紙,貼落去就掂。

floor_1600_07

因為手剪始終有少少差距,所以新地板突出來個少少,石先生利用佢嘅彈性全部用搥仔硬打入去,為免有高低不平嘅情況。

經過一啲時間後,石先生終於換哂 9 塊新地板,難度 = 0,而本身爛嘅位全部都變哂正常,更好嘅係觸感比起舊式地板更好。至於壞處當然係顏色唔夾,好似成個結界!

下回【買樓裝修紀錄】同大家進入考驗頭腦及精神嘅裝修階段。

floor_1600_08


anlander.com:陳列品及翻新產品優惠
詳情請點擊:https://anlander.com/collections/specialdeals




【此文章刊載於石先生部落;標題:坐爛塊地想補番?12 蚊店嘅膠地板五分鐘搞掂;本篇文章為贊助內容;強制廣告:HisTrend.HK 給你不一樣的科技產品】