多謝 PCM 求證,今次係日本電視台 TBS 自己講,鄧麗君只係「合成」舊畫面


尋日一篇文『鄧麗君翻生?它不過是「投影」+「Chroma Key 拍攝」,不僅不是「全息技術」,更別說是 AR』令唔少人驚訝!嘩!原來係 Chroma Key,將舊影像再 Key 返上去嫁炸。

此文一出,有人唔信,認為日本電視台無理由咁流,現場觀眾無理由咁好戲,但好認真嘅 Media – PCM 向日本電視台 TBS 求證,證實我睇睇到嘅影片確實係用舊畫面 Key 上去,完全同咩「全息技術」、「AR」、「MR」毫無關係。

用大家比較熟悉嘅 Photoshop 來形容,今次呢條片只係將舊畫面退地,然後配合拍攝時嘅角度,令畫面呈現係新嘅背景之上。當然,本身畫面係低曚質素,要咁早一定要做後期畫返啲缺失左嘅像素上去啦!


PCM 為此直接向 TBS 方面查詢。據 TBS 的回覆表示,他們主要使用的技術,是稱為「 Virtual Studio 」的技法,是考慮到鏡頭的位置和姿勢,來將影像合成到畫面上的技術。他們表示今次是以現時的錄影室作背景,將過去錄影下來的鄧麗君的影片合成上去。他們又補充,如果以近代的表達方式來說,在 VR 、 AR 和 MR 三種技術之中,可以說是接近 MR 的手法。

節錄自:PCM

睇完日本 TBS 嘅回應,石先生係唔係完全無錯呢?唔係,因為原來連「投影」嘅成分都無,現場觀眾係望住個電視畫面俾反應,演技真係太強,完全係無得輸。

有咩補充?無,多謝收看!






【此文章刊載於石先生部落;標題:多謝 PCM 求證,今次係日本電視台 TBS 自己講,鄧麗君只係「合成」舊畫面;本篇文章為贊助內容;強制廣告:HisTrend.HK 給你不一樣的科技產品】