鄧麗君翻生?它不過是「投影」+「Chroma Key 拍攝」,不僅不是「全息技術」,更別說是 AR


話說早幾日有段片好紅,話日本電視台用最新技術將鄧麗君翻生,用全息技術將佢變成立體放出來同觀眾表演,個個見到嘆為觀止,開心 Share。

不過,事實又點會咁簡單呢?鄧麗君又點會咁輕易翻生,全息技術都出現左咁多年,又點會依家先有巨大進步呢?講到底,呢個只不過係「投影」,即係你都可以做到。

先唔好講有傳媒概念不清,將「全息技術」當作做「AR」呢個極大的技術性錯誤,而係日本電視台口中嘅「全息技術」係播出來嘅電視畫面入面,似乎完全唔係個回事,只係將「投影」配合「Chroma Key」,令電視觀眾覺得真一樣。


睇嘅時候感覺有啲怪,但講唔出,直到求先 on9adget 出左啲原片比較即刻明哂,只能夠講,現場觀場嘅演技仲好過「中國好聲音」個啲。

唔好講咁多,先去片睇睇!

睇完呢條對比片,你明未呢?有無留意到啲角度?有無留意到原片及新片嘅差別係邊到?簡單講,如果係全息技術,拍攝角度不受限制,而且拍出來應該會見到有實物作為被投影物。


chromakey-1

我地睇到嘅電視版本好明顯係將原片嘅鄧麗君裁左出來,然後再提升佢畫面質素做左高清,而每一個原片嘅交接位就用現場觀眾反應來過場,根本就係騙案,可憐係呢個最緊要快,最緊要爆嘅年代,人人中伏。

好啦!咁到底咩係 VR、咩係  AR?咩係  VR 呢?而全息技術又係咩呢?下面同大家簡單解釋清楚。

首先,VR 即係你依家周街見到嘅 HTC Vive、PlayStation VR 咁。用戶要戴個頭框,然後入左去個個虛擬世界,即係話用戶入左去,就睇唔到現實世界做緊咩。


samsung vr facebook mark

vr ar mr 2

AR 就調轉,係將現實世界放係手機、平板呢啲電子產品入面,然後你可以望到手機平板入面有啲野郁下郁下,個個就係 AR。

MR = VR + AR,即係你要戴個眼鏡,而你望到現實世界,但眼鏡上面又有消息彈出來,俾啲虛擬嘅野你睇,感覺有啲似你去睇 3D 電影,你要戴左眼鏡先睇到啲效果一樣。

VR、AR、MR 三者有個共同點,就係要用戶點都要拿住一啲電子產品先見到個效果,而全息技術就完全唔駛,呢個就係全息技術。


meeting

「全息技術」簡單來講係「投影」,不過「投影」係平面,而「全息技術」就係全角度嘅投影,你係唔同角度睇到嘅野都唔同,係立體嘅,而且投影出來嘅影像識得互動,就好似我地睇「美國隊長 2」入面,一班神盾局高層開會時使用嘅就係「全息技術」。

至於今次呢個鄧麗君翻生,現場係唔係全息技術要係現場先知,但照電視畫面睇只係一個「投影」+「Chroma Key 嘅拍攝手法」。不過算啦!係一個要炒人先炒 IT 嘅城市,呢啲技術野邊有人理,算數罷啦!

[accept_stripe_payment name="點擊打賞「石先生部落」伺服器" price="100" url="http://example.com/downloads/my-script.zip" button_text="點擊打賞「石先生部落」伺服器"]
EVERSWEET 智能寵物飲水機 - 活水更健康
https://anlander.com/





【此文章刊載於石先生部落;標題:鄧麗君翻生?它不過是「投影」+「Chroma Key 拍攝」,不僅不是「全息技術」,更別說是 AR;本篇文章為贊助內容;強制廣告:HisTrend.HK 給你不一樣的科技產品】