如果你以為看歷史數據可以預示未來的話,那你得看看 Adam Sandler

網絡世界每日在變,好多我地以為行之有效嘅野,以為跟住做就會贏嘅野,但往往唔係咁簡單。好似今日 EconReporter 一篇講 Netflix 嘅文又再次印證左呢樣野,你唔向前行,墨守成規只會係被淘汰嘅一個。

篇文嘅重心係講 Adam Sandler 呢位電影笑匠早年電影反應唔錯,評分都一向幾好,但近年電影嘅評分及票房持續下滑,人氣開始插水。人人放棄之際,Netflix 就偏偏同 Adam Sandler 簽約,拍左幾部戲,人人以為唔掂,但結果 Netflix 係業績上特別提提大家,其實已經有 5 億小時嘅 Adam Sandler 影片被觀眾收看,反證佢地嘅投資決定完全無錯。

一個電影人係電影圈嘅評分下滑,傳統思維會認為佢無價值,就算走到去電視也都一樣。不過,Netflix 呢個 Case 剛好話俾大家知,其實過去嘅經驗判斷同事實往往係兩回事。

orbi 子母路由器,屋企上網無死角。
詳情請點擊:http://netgear.anlander.com

雖然電影同電視都係由觀眾選擇去睇嘅野,但電影發行始終受傳統守門人,即發行商、戲院等影響,反而 Netflix 咁嘅平台能夠控制觀眾選擇嘅能力相對少啲,所以又會有啲唔同,但無論你點比較,也都唔可以話 Adam Sandler 已經玩完,依家係靠 Netflix 養住佢,因為養住 Adam Sandler 嘅其實係 Netflix 嘅觀眾。

傳統上,好多行業都會睇數據,認為係 A 情景得到嘅數據可以預示到 B 情景,但現實話你知世事變化已經唔係可以隨便借鏡。傳統電影唔得嘅人,去到新世代互聯網電影未必唔得,兩班觀眾好似一樣,但實際上好唔同。

當你以為電影評分代表一切,包括票房嘅時候,其實佢只係代表緊一啲會去評分嘅人,而個班唔會去評分嘅人代表唔到,而且當中更牽渉唔少情感及社會因素在內,評分其實唔能夠準確反映一切。

世界已經唔同左,唔再係得兩三隻款,而係有廿幾卅隻款,你轉身慢啲已經會被超越,更何況係拿住歷史去做決定嘅人。預言書本身唔識得呃人,呃到人嘅係解說預言書個個,同拿住歷史書馬後炮個個。





【此文章刊載於石先生部落;標題:如果你以為看歷史數據可以預示未來的話,那你得看看 Adam Sandler;本篇文章為贊助內容;強制廣告:HisTrend.HK 給你不一樣的科技產品】