【石.化.遊】吊靴鬼


石先生最近迷上睇 ViuTV 節目「旅行吊靴鬼」,成個節目概念好簡單,就係主持人去一個地方係當地搵香港人跟住佢地去旅行,人地去東主持人去東,人地去西主持人去西,每日搵唔到人跟佢地去玩。

成個節目好唔旅遊,無靚景,無米芝蓮,無專家介紹,全程搵素人傾計多過講地方,講嘅野一啲都唔旅遊,唔係話你知有咩食玩買,主要都係傾計,同旅行嘅人傾下人生,傾下朋友,傾下點解會去旅行,但偏偏比好多計劃好嘅旅遊節目更好睇。

因為旅行除左觀光外更加係一個傾計、了解嘅過程,而呢個節目就做左旅遊中最重要嘅野,傾計、了解,感受,講每一個人嘅故事,每一個想法,紀錄每一個時刻。石先生以前一個人去旅行的時候也試過做吊靴鬼,亂咁搵人吊住,有機會再同大家分享呢啲吊住人一齊去旅行嘅經歷。







【此文章刊載於石先生部落;標題:【石.化.遊】吊靴鬼;本篇文章為贊助內容;強制廣告:HisTrend.HK 給你不一樣的科技產品】