LG V20 畫質雖然不算很好,但這個賣點卻又讓你愛不惜手


LG V20 呢部手機其實都出左一輪,石先生係比較後嘅階段都借左來長用,用到依家都成個月,好唔好呢?

用落其實又無咩問題,平時運作暢順,反應幾好,唔會太熱,唔會好快無電,都係同依家大部份嘅旗艦級手機一樣,你唔會遇到咩問題,但又唔會有咩驚喜。

雖然係咁,但 LG V20 有一個好明顯嘅特點,就係佢前後置鏡頭都有廣角功能,而呢個也都係今次石先生特登借番來用嘅原因之一。


LG_V2001

石先生影相平時都好鐘意用廣角鏡,因為廣角鏡嘅變形變係能夠令張相有一張特別嘅張力。可能係石先生功能唔夠講唔到出來,但用起廣角鏡上來好多時候真係比係普通變焦鏡頭更加得心應手。

好似上面呢張年初一去黃大仙廟拜神嘅相咁,明明都係人迫人拿住啲香嘅時候影,但係廣角鏡嘅幫助下成種感覺出哂來,人山人海及黃大仙廟個種掛滿燈籠嘅感覺都好清晰,以求其影來講呢張真係幾好,如果拿番大機反而因為要左顧右盼,未必影得成。

LG_V2009

不過咁,V20 嘅畫質好明顯又唔算好,特別係係夜晚。好似上圖呢張影電車咁,好明顯石先生對焦係對車頭啦!但佢快門影落去又會慢左少少,令到張相影落去嘅時候會變左焦點去 AXA 呢個位。


石先生影完呢張電車,知道佢夜晚快門慢嘅缺點後,就換左一種拍攝嘅感覺,希望將佢嘅缺點變成優點。點做?好簡單,就係專登行電車路中間,捕捉一啲車或電車係身邊行嘅時候,令成張相嘅主角更能夠突顯出來。

因為呢個做法,石先生影到呢張好靚嘅照片。可惜嘅係 LG V20 廣角鏡質素唔算好高,所以唔可以放大來用,否則成件事應該會更好。

20170217_203205-01

LG_V2003

除左夜景照外,其實石先生都有影日頭,例如新年期間食盤菜,揀番啱個距離影哂盤菜,成個感覺要比用定焦鏡,取淺景深來得更豐盛嘅感覺。


LG_V2005當然,LG V20 有一個好主力嘅賣點,就係佢嘅自拍鏡廣角,一手廣角確實好方便, 三個人輕鬆入鏡之餘,背後嘅景都好清晰,拍到旺角新年期間人山人海嘅情況。

LG_V2008可能好鐘意用廣角鏡嘅關係,所以搭電車時都用多左幾次,稍稍將鏡頭調高,令鏡頭可以拍埋金鐘高樓大廈,呢種取景平時用正常鏡真係好難做到。

唔想張相變形,將主體放返遠啲,一樣可以有一種氣勢,呢種好開揚嘅感覺應該就係石先生成日講好鐘意嘅廣角張力。


LG_V2010

LG_V2012





【此文章刊載於石先生部落;標題:LG V20 畫質雖然不算很好,但這個賣點卻又讓你愛不惜手;本篇文章為贊助內容;強制廣告:HisTrend.HK 給你不一樣的科技產品】