玩具展、文具展及 BB 展 2017 已經準備就緒


每一年,HKTDC 都會搞好多展俾唔同嘅廠商搵生意,例如係一月舉行嘅「第43屆香港玩具展、第8屆香港嬰兒用品展以及17屆香港國際文具展」已經準備就緒,將於1月9日至12日香港會議展覽中心舉行,有興趣嘅朋友可以去睇下。

日前舉行嘅記者會都有幾間廠商來到現場同大家介紹,展出部份新品。呢個環節都算係 HKTDC 去年公關部最大嘅改變。回想以前嘅記者會幾乎都係高層講解,但由去年某展開始,每次記者會都有相關展覽嘅廠商展示新品。

對於記者採訪來講呢個安排真係方便好多,因為來來去去都係高層加數字,無咩色彩或產品相真係會悶悶地,但依家有埋產品係到,除左好需要數字嘅財經版外,其他記者都多少少角度去寫,唔駛次次都一樣,真係好左好多。


hktdc_toy_show_2017_01

以文具展為例,今次就有間公司展示以 4D 命名的繪畫文具,除左畫之外,仲有 App 去配合,令成件文具除左實體外都可以數碼化,追上近來嘅潮流。

你或者會話咁嘅文具有咩用,但其實有無用都唔係我地話,係留番俾啲教育工作者去想。你望下依家啲學校有咁多平板,又成日數碼教學。係我地眼中無咩用嘅野,可能佢地睇到用途都未定,產品要創新有時就係要睇到啲人地睇唔到嘅野。

hktdc_toy_show_2017_02hktdc_toy_show_2017_03

至於呢件文具相對來講簡單啲,係我地見左好多年嘅立體卡,但佢出來嘅效果真係幾靚,每款都好有心思,睇幾多年都係咁靚。


hktdc_toy_show_2017_04hktdc_toy_show_2017_06hktdc_toy_show_2017_07

小朋友要玩玩具,其實都可以學到野,例如呢個以電為主題嘅玩具,就係話俾小朋友知咩係電,電係點連接,當中又係點樣做到著燈等等,係玩之餘有埋教育意義。

hktdc_toy_show_2017_08hktdc_toy_show_2017_09 玩具小朋友玩,大人都玩,NBA 嘅人偶玩具都有係到展出。

hktdc_toy_show_2017_11hktdc_toy_show_2017_12

講到勁應該都係呢個,佢係一架睇落唔多特別嘅電動平衡板,但其實佢唔係雙輪,係四輪,即係你係用佢嘅時候唔需要擔心前平衡只要用手機控制佢前後就得,係使用上其實都無咁難,但大家都要留意香港法例始終太落後,仲未解決到電動車嘅問題,所以係香港都仲未用到。


hktdc_toy_show_2017_17

SORRY!上面呢隻好多人都嘩嘩聲嘅模型石先生真係唔識,無睇過,所以我都唔多介紹,反而下面嘅叮噹就知,所以想了解更多上面個部,都係去睇 Kiri-San 啦!

hktdc_toy_show_2017_18hktdc_toy_show_2017_21hktdc_toy_show_2017_22

BB 用品呢樣野真係好有趣,例如呢個係奶壺嘅溫度計,等你可以查住個溫度,下面就係智能浴缸,真係 BB 野都好高智能。

hktdc_toy_show_2017_24





【此文章刊載於石先生部落;標題:玩具展、文具展及 BB 展 2017 已經準備就緒;本篇文章為贊助內容;強制廣告:HisTrend.HK 給你不一樣的科技產品】