網絡時代有網絡時代嘅好,但也都有網絡時代嘅煩。

網絡時代人人都好可以批判,只要搵到理由,然後夠人多支持你就係真理,站在道德高地,其他人講嘅野都係錯,呢種情況近四五年愈來愈厲害。

石先生剛剛入行嘅時候會留言評論的網民尚會指正,指出錯誤,但今天除了罵你一句「傻仔」、「白痴咁都錯」等等,其實都無咩其他字詞,問多兩句就「教精你咩低能」走左去,罵人真係無咩成本可言,所以唔喺係網絡行走得耐嘅朋友,好容易就會被呢啲「網絡流氓」激親,搞到自己折壽,你話幾唔抵呢!


唔計講時政,日日抽水,講到自己聖人,講親就係真理一樣嘅所謂評論員,其實好多時候我地自己都會犯呢啲錯!例如早兩日麥當勞加價後大減價,玩 HK$10 九件麥樂雞,搞到大排長龍,唔少人即時衝出來佔領道德高地,話排隊嘅人「前世未食過麥樂雞咩」云云。

當然,香港人呢種唔怕排隊,有著數唔好蝕嘅精神幾驚人,但其實世界上有邊個地方唔係咁,你望下大陸嘅雙十一、美國嘅 Black Friday,日本嘅褔袋,其實全世界都係一樣,可以慳錢嘅地方實有好多人會去慳錢,呢個係資本社會制度下製造出來嘅人的性情。

你可能話排隊唔駛時間咩,唔駛成本咩?無錯!你嘅時間秒秒鐘幾百萬上落,每秒搵到好多錢,但好多人嘅時間無你咁寶貴,唔係訓覺就打機,勤力少少唔都唔會搵多左錢,但排下隊可以用 HK$10 食餐飯就大價值。更何況一餐半餐食麥樂雞呢啲垃圾食物又唔會死,你咁大反應做咩姐?擺明慢性自殺嘅酒你都飲唔少啦!又唔見你倒哂佢。


taiwan_taichung_travel_007

做人如果下下都將自己把尺放落去人地度,唔試下係人地個個位想,其實都無咩意思,而且你如果係咁想,你唔怪得林鄭話送個故宮博物館俾你係大禮嫁喎!因為佢用佢把尺去睇,無係你角度去想。既然你自己係咁想,你都應該要接受返人地係咁想。

唔講麥當勞,講下老夫子,作者一死唔少人就來道德王上身,話佢抄襲好唔啱,人地當年朋弟好慘等等。係呢件事上面,石先生其實好認同「葉一知」嘅說法,人地朋弟慘唔係《老夫子》害,係文革害嘅,唔好求其就二元對立,兩位作者嘅人生經歷其實無互相影響,《老夫子》就算唔面世,朋弟都唔代表會過得好啲。

《老夫子》創作嘅年代唔同,版權思維同今日又唔同,有幾多部份抄,邊啲係抄,邊啲唔係抄又好,兩位作者已死,要爭論幾時輪到我地話事,或者兩位老人家係上面 Friend 過打 Band 呢!


對好多睇《老夫子》大嘅人來講,係咪《抄》根本唔係佢地在意嘅點,在意嘅係故事及帶來嘅回憶。更何況係法律上既然無問題,道德上你都係懷疑佢有問題,無得證實佢肯定有問題,你又何必係呢啲問題上去毀滅人地嘅回憶呢?

「如果係抄承認係抄好啲囉!」啱,你咁想啱,但個個年代明星結婚都怕粉絲跳樓自殺,你叫作者同上一輩粉絲講自已係抄人地嘅角色來創作,你覺得容易咩?既然當年朋弟見到《老夫子》作品後都無出聲,我地呢啲後人又何必無事生非,用今日角度去睇以前嘅事?放多啲心思係你無得選嘅特首到,反對河套區,爭取下啲真正嘅野好過啦!

講到底大家都係少少口㾗,想企係道德高地。始終香港近十年已經變成「憎人富貴厭人窮」嘅社會,鬧個名成利就嘅總好過罵過拿綜援唔做野。呢啲野發口㾗講兩日無人怪你嘅,但講耐左就要留意自己個口會否太臭啦!至於石先生有無口臭?剛剛刷完牙應該唔太臭,但血腥味可能就有少少~




【此文章刊載於石先生部落;標題:夜晚發嗡風,唔鐘意唔好睇;本篇文章為贊助內容;強制廣告:HisTrend.HK 給你不一樣的科技產品】


PISEN 二合一電池旅行充電器- 內含 5000mAh 電池並附英式、歐式插頭

front-banner-iphone-07
旅行出差行李務求輕便,PISEN 二合一電池旅行充電器既是充電器又是充電寶,在外為手機充電;返回室內接上電源插座,還能同時為裝置與充電寶補充電力。設計緊湊輕巧,一物二用減輕攜行負擔。

PISEN 二合一電池旅行充電器提供 1 個 smart 2.1A USB 接口、1 個 1.5A USB 接口及 1 個 1.5A Type-C 接口,電力智能分流匹配各式數碼產品。

內建 5000mA 鋰電池,接上電源插座隨即補充移動電力,無須攜帶額外線材。外設 4 格電力燈號,快速判斷剩餘電量。

採用國際折疊式插頭,支援 100-240V 全球電壓,並附帶英式和歐式轉換插頭,助您快速整裝待發。設置過充、過熱、短路、過功率、過壓及過流保護共六重安全防護機制,出行省心省煩惱。

【立即購買 PISEN 二合一電池旅行充電器 – 香港授權商店 】
免費上門送貨、有壞包換及 12 個月官方保養 - https://anlander.com/

Stone IP 目前是自由撰稿工作者 + 社群網站經營,曾經於 Engadget 中文版工作八年之久,職至高級編輯。文章撰寫以貼近生活為主,內容以科技網絡與旅遊紀錄較多。此博客瀏覽量已超越達到 1,300 萬。