當別人懷緬自己當年有多風光時,從今天的角度看「即時新聞」如何步向滅亡


本文來自前傳媒工作者 Terry

一直都認為離開咗間公司,係唔應該周圍唱間公司點樣衰點樣差,但作為前即時人,離開咗之後,發現個世界真係唔係大家想像咁,快已經唔再重要,除非你快到百份報咁出即時可以出得快過果件事發生,如果唔係一般星斗市民只係care單嘢好唔好睇,所以咁樣都唔算唱瓜。

以前做即時只求一個字,快!快D出快D Push,作為一個男人日日比人催快D出,第時會唔會有功能障礙呢?再者,快過東方兩秒出有咩用?正所謂快刀手切損手,離開咗呢行落咗地,聽得最多唔係話舊公司D嘢出得有幾快,而係有幾多錯字錯嘢。


以前做過我完全明白一日砌足10個鐘連飯都要喺位食,去廁所同去斟水飲都要諗下幾點記者會同幾點公佈乜中間邊度有幾分鐘時間可以用,呢份工實在唔係人做,又實在吃力不討好。外人覺得你只係copy and paste掉上網最多加張相,有人又會話自己以前做過點點點,覺得好簡單。但其實hea做同真做分別可以好大,hea做掉上去就完,真做會睇下點樣整靚佢,點樣add value,做JP Morgan同隔離商業中心做倫敦金班精神仔都係做金融,唔通佢地又係一樣?

如果做即時有心做,撚題撚相都可以撚半粒鐘,冇心機做咪copy and paste上去,當然亦唔排除比人催鐘焗住柒出街,街外人又係當你hea做九做,覺得你份人工唔值咁多,覺得你只係打字員。其實做任何嘢都係,做好十樣嘢抵唔到錯一鑊,呢一行更加係,所有人會用放大鏡睇你,正如蘋果日報「成日」老作新聞都係因為98年陳健康單嘢。

快帶嚟最大嘅後果就係錯,但好多「人」會以為快就hit rate高,快就多人睇,早兩年呢個理論可能啱,果陣間間公司都掉舊錢出嚟玩人人做記者,覺得D料一快就會多人睇,而家人人上小心駕駛上突發報料事故區,你快得過佢?同埋除咗行家之外,邊有人會care件事想快D知,除非單嘢關佢事。


用幾年前把尺做而家嘅即時,而家「快」都會多人睇,但唔少嘅係當text hunter搵錯字捉錯處笑鳩你班妓者高分低能咁嘅字都錯,而當中辛酸只有自己知但繼續比人覺得水準低。

呢篇嘢好似想屌鳩舊行家咁,其實唔係,只係有嘢嚟到覺得要頂就儘量頂,因為話事果個一定冇前線咁貼地,前線唔將件事話佢知,就跟住一齊柒,佢份糧包埋柒,但前線份糧少佢一大截,點解要同佢一齊柒。當然講就兇狠,但自問仲做緊果陣有得頂都儘量頂,因為份糧唔包柒,而又確實真係唔想柒比人睇。

說到底,我只係認為而家快已經冇用,100毛都係慢,但佢有心機撚,撚到D人想睇嘅嘢,當然做新聞唔可以咁,但要諗下啲人想睇係add value嘅嘢,想睇你刀功有幾好唔係出刀有幾快,如果認為快可以吸到hit rate,故事吸引題材吸引更有hit rate。


講到呢度,有人會心諗:屌你以前咪又係9hea~又或者:屌你走咗講乜都得架啦~又或者:我做傳媒呢行果陣你都未戒片呀!咁當我冇講過啦~~~~冇咩事我返出去做嘢先喇~~~bye





【此文章刊載於石先生部落;標題:當別人懷緬自己當年有多風光時,從今天的角度看「即時新聞」如何步向滅亡;本篇文章為贊助內容;強制廣告:HisTrend.HK 給你不一樣的科技產品】