一個由翻版買到正版嘅 Cole Haan 小故事


提起 Cole Haan 呢個牌子,石先生不得不講一段小故事。

話說當年去台灣旅行,剛好發現有間舖頭叫 50%,衫褲鞋襪平得來設計又唔差,以一個窮 L 來講真係好吸引,當中又以下圖呢隻灰面黃底嘅鞋最吸引,一睇就覺得要買。

就係咁,石先生就係呢間 50% 嘅舖頭買左呢對灰面黃底,同 Cole Haan 一模一樣嘅鞋返來,仲不時著出街。由於石先生呢啲窮 L 當時根本唔識 Cole Haan,所以一直都唔太為意自已原來係緊嘅係一對翻版鞋,直到有一次…


cole-haan

「嘩!你買左 Cole Haan 呀~ 你買幾錢呀!好貴喎」

「吓!咩呀?對鞋?好平炸喎!500 台幣!」

「500 台幣?唔係麻,等我睇過!鞋帶同鞋底設計全部都係 Cole Haan,根本就係 Cole Haan!唔好扮啦,Cole Haan 呢隻 2000 港紙,500 台幣即 100 港紙無可能買到囉!唔好當我唔識野,收收埋埋。」


 

就係咁,石先生終於知道世界上有一個牌子叫 Cole Haan,一對鞋要 2000 港紙。返到屋企上網查一查,原來 Cole Haan 俾 NIKE 收購左,而佢嘅翻身之作就係呢隻上層傳統英式牛津皮鞋面,下面係波鞋底嘅 Cole Haan Oxford Shoe。

自從知道 Cole Haan,也都明白自己著嘅係假野後,石先生呢啲窮 L 當然無第一時間走去買番對 Cole Haan,因為當時嘅石先生根本買唔起。直到後來開始儲到啲錢,去日本嘅 Outlet 見到 Cole Haan 先買番對真嘅,算係彌補下買過假貨嘅過去。

由於石先生一直以來返工都唔駛著整套西裝,所以一對 Cole Haan Oxford 款已經好夠著,要見人著好少少可以著 Cole Haan,莊重得來又著得舒服,唔駛成隻皮鞋咁硬到爆。


img_20161219_232840

雖然 Cole Haan 成名係 Oxford 款,但佢地近年開始多左其他款,例如呢隻少少似皮鞋,又多多似運動靯咁。成日黑色深沉得來無 Logo,加埋個運動鞋底,感覺好運動鞋,有需要時跑都得,但佢又唔似運動鞋好多唔同顏色或者 Layer,只係簡單一層軟面加細洞,輕得來又通風,以 Cole Haan 來講都真係有啲搞笑。

呢隻鞋當佢係 NIKE 咩?又唔係個回事,但如果你當佢係皮鞋又唔係,要幫佢搵個定位,石先生暫時都唔係好想到,但著落係唔錯的,或者當佢係平時出街鞋啦!





【此文章刊載於石先生部落;標題:一個由翻版買到正版嘅 Cole Haan 小故事;本篇文章為贊助內容;強制廣告:HisTrend.HK 給你不一樣的科技產品】