要不是容祖兒,佢輸到爆廠了!


呢輪好興嘅「唱K咪」見證左香港零售點解難以經營。七月時呢支咪最高賣緊 $1080,到月初嘅電腦節開始回落至合理價格 $650-$780。當容視兒一出,個個爭相賣咪,價格由星期五開始插水式下跌。

星期五 $650;星期六 $600;星期日 $550;星期一已經跌到均價 $499。當你以為 $499 都係賺少少,無得再跌嘅時候,HKTVmall 拋出一個「期貨價」$399(買左嘅顧客要等兩個星期先有,到時熱潮都過哂),先收單再慢慢出貨,用掠奪式價錢及廣告攻勢一擊打殘市場,全部行貨無得翻身。

當你以為 $399 呢啲平手價都叫好低啦!點知高仿星期三見街,下試 $280,賺得幾十得幾十,將一件難得唔錯嘅產品「打落 18 層地獄」,淪為「開倉貨」,永不翻生。

由 HK$780 跌落 $280 唔駛七日,中原人做生意最強果然係「殺雞取卵」,除了減價就係減價。

至於個個 IVE 女賣咪致富?佢要多謝容祖兒啦!唔係容祖兒幫佢宣傳,佢嘅第一次創業夢可能就破滅了。


anlander.com:陳列品及翻新產品優惠
詳情請點擊:https://anlander.com/collections/specialdeals




【此文章刊載於石先生部落;標題:要不是容祖兒,佢輸到爆廠了!;本篇文章為贊助內容;強制廣告:HisTrend.HK 給你不一樣的科技產品】