Ambi Climate – 開冷氣唔駛自已來仲可以慳埋電

Browse By

ADS

智能家居講左十幾年,由 Mac 機仲係死氣沉沉講到 80 歲阿婆都識用 iPhone,你屋企嘅一切仍然需要手動,智能家居始終係遙不可及嘅夢想。1997 年 Bill Gates 親手打造的智能家居(即佢自已間屋)至今仍然是典範,各智能家居廠商努力追求的目標,但除非你俾幾十萬港幣再加全屋重新裝修拉線,否則只能幻想。

不過,我地普通人又係唔係無辦法用智能家居呢?答案可以係,可以唔係。因為我地無辦法全面用到智能家居,但降低要求至部份家電可以智能化就唔係問題。

智能家電唔係講你要重新買個有螢幕嘅雪櫃,然後連線上網幫你檢查食物狀況再自動買食物返來。因為你將呢部最新最高級嘅雪櫃搬返屋企,香港仍然沒有服務供應商幫到你實現呢個功能。即使係大灑金錢嘅 HKTVmall 也只不過係睇單執藥,想要智能雪櫃還要等下世。

ikea lamp

現時市面上其實已經有好多智能家居產品,但佢地大多唔係主產品,而係以副產品或輔助產品出現,例如 Samsung、Kevo 推出嘅智能電子門鎖係一種;IKEA 推出嘅無線充電枱燈,係傳統枱燈上加入無線充電版,令手機可以直接放係枱燈上充電係另一個類型;今次同大家介紹嘅智能冷氣機控制器 Ambi Climate 則屬於另一個種類。

ambi climate 02

Ambi Climate 體積細小,但佢本身已經具備多個感應器及紅外線收發器,可以感測到溫度、濕度、日照、動態、地點識別等功能,再配合本身內置嘅 Wi-Fi 連接網絡連接伺服器計算及使用紅外線收發器發送訊號予冷氣機。

大家都知道冷氣機使用嘅紅外線控制器本身只係得單向傳送訊號,即由控制器傳送訊號俾冷氣機,而冷氣機係唔識同控制器溝通,所以我地平時要實際知道冷氣機幾多度除左依靠唔太可靠嘅控制器顯示外,其實你無咩其他方法。

ambi climate 01

因為 Ambi Climate 本身配備溫度及濕度感應器,所以係用左 Ambi Climate 後,你屋企嘅真正溫度就可以通過手機 App 來睇到。(支援 iOS 及 Android)

當你打開 Ambi Climate App,係頂部就會顯示現時嘅室溫及濕度。如果你按左下角 ICON 的話有一個「記錄」,你按入去左右滑動就可以睇到過往嘅室溫紀錄。一早起身覺得「沾寒沾凍」,可以望返 App,睇下到底尋晚冷氣係咪突然變凍,還是自已沒有蓋好被子。

ambi climate 03

App 的頂部就有顯示即時溫度與濕度。

ambi climate 04

「紀錄」入面可以睇到溫度與濕度變化,紅色線代表溫度,白色線代表濕度。

ambi climate connect

當然,Ambi Climate 嘅出現其實係令你唔需要擔心溫度變化,幫手慳電得來又令你舒服。講到咁大,佢點做呢?

Ambi Climate 係運作上利用機器本身嘅溫度、濕度、動態感應器等資料,透過 Wi-Fi 經互聯網傳送番去伺服器進行分析,經過七日收集數據及分析後,利用「comfort」模式幫你做到智能調控。聽完唔係好明?唔緊要,下面同你示範。

Ambi Climate003

機背插頭雖然眾多,但只要插電源就用得

首先,你買左一部 Ambi Climate 返來最需要做嘅就係插上電源,搵個位放好佢,然後手機安裝 Ambi Climate App(iOS/Android)。安裝好,連接 Wi-Fi 後,你有兩個選擇,一個係直接選擇冷氣機型號配對控制器,或者選擇手動冷氣機控制器對準機器發射一次訊號,以便 Ambi Climate 能夠揀到適合嘅紅外線訊號碼,以便控制冷氣機。

由於石先生屋企冷氣機比較舊,所以係使用上要揀手動。第一次手動設定後仲以為唔得,再做多次,但原來一早已經搞掂,只係響一次,所以後面幾日就繼續用落去。

Ambi Climate004

因為冷氣機太舊無啱嘅型號,所以要手動設定

因為未夠七日,Ambi Climate 唔提供「Comfort」模式,所以係頭幾日都需要手動去選擇,但呢個手動並唔係選擇右下角嘅「Manual」模式,而係點感受,話俾 Ambi Climate 知到底幾時覺得凍,幾時覺得熱,也即係用自已嘅感受來教識 Ambi Climate,令佢更認識石先生對溫度嘅敏感度,知道幾多度對於石先生來講係比較適合。

這個做法真的很好,因為每一個人對於咩係適合嘅溫度都有唔同嘅定義,有人寒底,唔可以太凍,但有啲人成日大汗疊細汗,一定要開大個冷氣,所以係做法上就完全可以配合每個人嘅真正需要。

Screenshot_20160819-035115

用來教育 Ambi Climate 的溫度感受表

BT

與必用的「comfort」模式相類似,石先生使用一陣後覺得大家有時間一定要用這個「定時開關」。這個定時開關很適合那些生活固定的朋友,只要睡覺與起床時間固定沒有太大差異的話,預早選擇自動開始時間很方便。

例如石先生選擇就是每天晚上十時自動開機,馬上跳到一個指定溫度,然後待自已覺得不錯後再開啓「comfort」,讓整個晚上都涼快。關機則選擇下午三時,這個時候不管起床與否或工作與否都肯定會關掉冷氣,這樣便可以保證冷氣機有一定的休息。

Ambi Climate002

以智能家居產品來說,石先生覺得 Ambi Climate 算得上最簡單與實用。因為很多智能家居產品始終會有想法太大,難以普及及實際應用有限的缺點,但智能調節冷氣機,幫忙節省,監控溫度,提供回家前預先開啓冷氣等功能都是很實用的需要。

這些功能並不像水浸警示器、關窗警示器般有偉大的理想,而是有切實的感受,很容易就可以體驗到好處,與不少人家裡的智能攝影機一樣。不管是年長的父母或對科技較熟悉的年青人都能用得著。

 

如果大家都想買返部Ambi Climate返屋企用既話,可以係 Ambi Climate 網站 或 香港的零售商店選購。

另外,由即日起Ambi Climate 仲會係IFC 既Lane Crawford家居館展廳Showcase佢既第二代產品! 產品係今年第4季先會正式推出市場,宜家係Lane Crawford有得率先睇,有興趣既記得去睇下….


HisTrend.HK 限時褔利品:USB Type-C 轉接頭 HK$30 四枚
http://www.histrend.hk/products/usb-type-c-adapter




既是暖蛋,又是電池!充電式電暖蛋登場!

front-banner-iphone-07

冷鋒來臨!氣溫開始急降,除了保暖衣物外,怕凍的朋友也會買暖包、暖蛋來保暖,不過坊間的暖包只可以用一次,每次用完即棄,實在不環保。其實現下也有電子暖蛋,這款 Pisen 智能充電暖手寶,不單是暖手蛋,更是外置電池,一物兩用!

Pisen 智能充電暖手寶得到德國 Red Dot 2015 設計大獎,只要按一按機身的「Hot」,外殼金屬部分就會開始發熱,大約 2 分鐘時間,暖手寶就會升溫至大約 50 度,暖手又得、放入大衣內袋為身體保溫亦得。

內置智能感應,一旦發熱溫度超過 50 度,就會停止發熱,十分安全。而內置電池為 7500 mAh,可以發熱約 5 小時,足夠一般戶外使用。

而機身上備有一個 USB 插口,輸出電力為 2A,可為手機、平板電腦充電。Pisen 智能充電暖手寶有香檳金、白銀、粉紅、粉藍四色選擇,怕凍男女總能選到適合自己的顏色!

此產品提供 香檳金、白銀、粉紅及粉藍四種顏色,有興趣的朋友可以到 HisTrend.HK 選購。

front-banner-iphone-07 front-banner-iphone-07


【此文章刊載於石先生部落;標題:;本篇文章為贊助內容;強制廣告:HisTrend.HK 給你不一樣的科技產品】