家居裝修紀錄（11）- 智能燈飾？放在電制盒內的無線開關控制器不要選

講開電制，再深入一點講少少「智能家居」嘅範疇。近年流行用 LED 燈，又想智能開關，市場上都有好多選擇，例如部份標榜整套燈光方案嘅智能燈飾控制器。

這類燈飾控制器標榜安裝方便，可以一鍵無線控制全屋嘅燈光，只要裝個控制器係牆身電制盒內就得，唔駛好似以前咁要拉過哂全屋電線去做，聽落真係幾好，但做落其實唔係想像中咁開心。

原因好簡單，因為你只要打開牆身嘅電制，你就要搵電工來搞，想自己搞根本就係玩命，方便嘅程度只係方便電工，未去到可以自己搞。

上圖就係一個電制嘅牆身盒位。呢類型嘅智能電制控制器其實就係將電線嘅開關轉用一個支援無線功能嘅控制器，收藏係電制盒內。設計本身係幾好，因為開關係完全靠呢個控制器開關供電與否，而且除了燈光，原理上任何野都可以用成為智能開關，但始終要電工安裝，安裝唔係真心咁爽。

另一方面，因為電子總有耗損，這類的無線控制器市場上選擇不多，也不是主流，所以一旦壞了，要換都未必換得番相同型號，到時成間屋得一個無智能，真係唔知笑定喊好，所以石先生由第一刻開始就放棄呢類產品，以免貪一時快樂，之後要執手尾。