Tag: tube

08歐洲之旅 Day2 – 倫敦

倫敦 第二日的旅程由酒店的早餐開始。酒店的早餐是三種不同的玉米片加雜果,鮮奶,橙汁,蘋果汁任食任飲。OKAY啦,算不錯,所以吃得飽飽才出發。 第一站我們一行三人就到了聞名世界的大賊巢「大英博物館」。以石先生的歷史知識,自然又係係度空轉啦,行左幾個館都係講Egypt,Greece個啲,唔係話唔好睇,但我睇時唔會十分細心,只會大約作出了解。但我的團友則比較詳盡,每件文物均作仔細研究,速度當然跟石先生有所分別。所以石先生都有點悶,只係一路行,一路行。 雖然是賊巢,但大英博物館本身也是一件藝術品。 一直行到去China,South Asia & Southeast Asian,見到啲似曾相識嘅野,本身係度行左一個圈,但都係仲快過啲同學,踗住坐低休息一下。坐正係館內Guide Tour個度,就係咁跟住係中國館個度行一個圈。 點知行行下,原來跟左勁耐,而我啲團友搵我唔到要打俾我先join得返一齊。但講真跟住個Guide係度行,佢一路講,你又好似真係明多啲嫁喎,雖然佢講嘅野你本身己經知,但係由西方的角度去睇又真係幾特別。之後行左去睇館內最重要之一的Mummy,呢度勁多人,個館細細但係放左勁多,啲小朋友入到去又嘈,真係幾難頂下。所以睇左陣就走左去下一個。 埃及人挺慘的,國家最好的東西都不在自己的國土上。 Mummy的數量,絕對是這邊最得意的地方。 除了大的Mummy,還有小的啊! 其實行咁耐都係一路行一路睇,都唔係話好識啲文物個背後意義,但咁都行左成三個鐘,好累。其中我地係一個館入面有個臨時展係Money Exhibition,佢講唔同時代嘅貨幣,以香港嘅十元膠鈔係其中一樣展品,以用來預示未來的。但講到有心,都唔及歐羅一元。原來歐羅一元後面有個鳥嘅圖案,佢係同二百年前古羅馬貨幣上嘅圖案一模一樣,真係好有心思。 離開大英博物館後,我地去左Museum Street,去到一間有153年歷史的餐廳叫THE PLOUH,坐左係舖頭外的橫街上,感受下英國的氣息。叫左個Large Fish & Chips,要成£9.95,係暫時最貴嘅一餐。 佢嘅魚柳超大,薯條勁多,仲有啲乾青豆,配啲沙律醬同蕃茄醬,味道一般,始終唔係我地亞洲人的口味,太乾,但食到好飽,因為好大份。 這家店坐落於大英博物館正對面的橫街上,挺有風味的。 坐下來才看到,他是1855年開業至今的。 炸魚柳加炸草薯條就是聞名的Fish&Chips,吃下去很乾,魚柳很大,但配上沙律醬挺好吃的。 食完一個咁傳統嘅英式Fish & Chips後,我地去左St. Paul's Cathedral,佢位於St. Paul Station,一出之後好容易搵到。呢度係英國皇室進行重要儀式的地方,例如英女皇加冕,皇妃戴安妃結婚等等都係係呢個咁莊嚴的教堂進行。佢主要分三層,上下兩層要俾錢先入得,如果唔想俾錢的話,可以係佢作禮拜的時間進入,但就唔可以登頂及到地庫參觀,只可以係大廰參觀。 由於鏡頭不夠wide的關係,不能拍下全景,只有期待團友的相片囉。 這個是正面的入口,左邊是入口,右邊是出口。如果想知道做禮拜的時間,可以到門口找找看。 我地搭Tube去到下一站,Bank Station,本身想去睇Bank Of England Museum & Royal Exchange,但可惜去到時則好係五點左右,過哂開放時間,咩都睇唔到。 倫敦交易所就是前面這個囉,這邊是商業區,人走路比較快,私家車比較多。 後面這幢著名的現代建築配上傳統的小型教堂,別有一番風味。 就係咁一路行過去Liverpool Street Station,呢度係英國其中一個大站,主要係去London旁嘅城市,呢個火車站好靚,同時也都好多人。雖然佢所以月台都係一字排開,每個有各自的目的地,但得意嘅係每一個人都好像流水一樣,有秩序咁進入每一個月台。當我們停下來或有人停下來找尋月台時,便會造成一個可愛的景像。 Liverpool Station同樣是一個Tube加Train的英國大站。 繁忙的程度絕對不下於機場,碰上下班時間,更是人生人海。 由於日照時間比較長,玻璃頂的設計是歐洲常見的。 一列列的火車就是這樣排在這邊,這邊的月台好像有二十多個。 經過火車站來到Tube Station,這個月台比較特別,係同一個月台等三條唔同路線嘅列車,令到月台上堆滿人。一時之間,也令我們有點不知所措,站在月台上看著一班一班的列車開走。 最終我們成功到達,Tower Hill Station,也即係Tower Of London嘅所在地。係車站上面,有一個有日規的公園,係呢度你可以影到Tower Of London的全景以及稍事休息。 就是這個有日規的地方,你可以看到傳統的英式堡壘,Tower Of London 上面刻著的就是倫敦最早的範圍,你可以清楚看到Tower Of London的位置。 Tower Of London就是倫敦塔,你可以圍著走一圈,也可以進內參觀。 由於時間尚早,其實己經七點幾,天未黑,我們在草地上稍事休息後,沿River Thames一路行去Tower Bridge,一路狂影,但風勢也挺大的,有時候會把手吹動,令相片要重拍。由於一直無想過上去Tower Bridge,所以過橋後,到左City...

08歐洲之旅 Day1 – 倫敦

香港 > 倫敦 由Hong Kong飛到London一共需要13個小時,石先生0035hrs(香港時間)上機,到達London的時間是0635hrs(英國時間),都算唔錯,係飛機上訓一覺就到剛剛好。為左能夠訓得好啲,石先生上到飛機,即刻等空姐俾野我飲,因為想飲酒,飲完可以好訓啲。點知同佢講White Wine,唔知係咪發音,佢俾左兩支White Wine我。 就係咁將個兩支酒飲哂,都幾好飲嫁,但無耐就出事啦,啲酒氣上哂來,醉左,個人暈暈下咁訓著左。 五個鐘頭之後,一醒個人勁暉,暈度連張枱都唔識收番起佢,走到去廁所,係入面搞左一大餐,出番去先至好啲。一坐低睇下支酒,原來12﹪vol,空肚飲兩支,384ml,真係就咁中招。訓醒都仲差7個鐘先到,食埋個杯麵,睇下書又訓,終於訓到落機。 落機去到Heathrow Terminial 5 ,係0638hrs(倫敦時間)。由於我地係HongKongers,我地要去排一條好長嘅隊,仲要填埋張入境紙先得。 英國人出名幽默,入境嘅姐姐問我做咩剪短哂啲頭髮(因為石先生一向長頭髮,為左旅行方便特意剪短左。)我答佢方便啲啊麻?佢話唔應該剪,長頭髮型啲啊麻,真係呢? 我地所住嘅酒店係Crestfield,係King's Corss/St. Pancras Station,我地先去搭Tube,買左張3 Days Pass Peak (Zone 1-2)。要成£17.40,但由於機場係Zone 6,我地要買多張£4嘅單程票。 這間有藍色窗框的便是我們在英國的酒店,位於King's Cross 英國的Metro叫Tube,車廂內沒有冷氣,而車廂也比較細小,由於Piccadilly Line其中一條係由機場出來,加上其經過各主要景點。因此其車廂經常有不少遊客乘搭,而且堆滿行李,是其中一條最繁忙的線路。 Tube十分舊式,在設計上車廂比月台高一吋左右,上落就像上樓梯級一樣,對於帶備行李的遊客比較不便,車廂也較香港的矮。 我地搭Piccadilly Line去King's Cross/St. Pancras Station,但由於睇錯Tube Map,走左去Green Park Station轉車。London Underground 嘅 Green Park Station 真係好多人,架車又細,所以特別辛苦。 我地住個間酒店真係唔錯,放低野就衝左出去。踗左搭返Victoria Line 去 Green Park Station。點知撞正System Error 成條線Delay,我地見個個都走去搭Piccadilly Line,我地都轉左個去個邊。 正正式式第一站係白金漢宮(Buckingham Palace),由Green Park Station行過去要15Mins,1100hrs 先至換班,我地早左成個鐘,三條友就係度等等等。 由Green Park前往Buckingham Palace會經過一個公園,當你看到以上這個大閘時,便代表你到達Buckingham...