Tag: HUAWEI Mate S

HUAWEI Mate S – 急促發展後的最佳作品

HUAWEI 經過前幾年的急促發展後,看來踏入收成期。以最新推出嘅 HUAWEI Mate S 來講,其賣點竟然是前幾年不被看好的 Hisilicon Kirin 935 處理器,運作順暢之餘速度也不慢,更重要是沒有 Snapdragon 810 的發熱問題,算是天上扔下來的發展好機會。 言歸正傳,唔講大環境,講番今次呢部HUAWEI Mate S。最大賣點之一係屏幕上支援的有趣功能,「指關節觸控」嘅功能。 簡單來講,呢個「指關節觸控」係我地除左可以用手指係屏幕上面點、按、掃 之外,仲可以用指關節係屏幕上面做不同動作就可以創出更多變化的觸控效果。由於手指與指關節的接觸點同生物靜電唔同,所以屏幕可以自動分辦到底我地係用手指定指關節,從而做到多種效果,情況就好似我地係用單指定雙指去控 制一樣。另外,年底更會推出的HUAWEI Mate S極致版,備有按壓觸控技術 (Pressure Sensitive Touch),屏幕可以感受到壓力而產生不同觸控變化,將單指操控提升至另一個新境界。 講返「指關節觸控」功能,首先,如果你用單指關節係屏幕上叩兩下,佢會直接截圖,可算係最方便的功能。第二係如果佢係屏幕上畫一個圈圈,佢就會截圖左個個圈圈內的內容,即係自定義截圖範圍,即所圈所得。 除左截圖外,HUAWEI Mate S 更可以用指關節畫字功能開啟應用程式,包括畫 「E」就會開瀏覽器;「C」就開相機、「W」開天氣及「M」開音樂。想變得更個人化,用戶更可以自行設定該四個指定字母的開啟功能。 HUAWEI Mate S 另一個主要賣點係支援指紋識別技術,而當所有手機都有指紋來做解鎖的時候,HUAWEI Mate S 除左可以快速0.5秒解鎖外,也多加一種功能,就係背後的感應器。 提起背後指紋感應器,石先生第一時間想起曾經用過的 Oppo N1,讓手機自拍時如果按緊再放鬆就會做到自拍,而HUAWEI Mate S 也都相似,但吸收了當時 的使用問題,改為採用長按指紋感應位置,然後再倒數 2 秒的拍攝方式,讓石 先生在自拍時可以選擇按緊,然後拿穩手機再來自拍,不用擔心因為要用力按音量鍵或其他方式而導致「鬆郁曚」問題。 HUAWEI Mate S 放在機背的指紋感應除了自拍時能夠使用外,他們也做了幾個功能,例如在觀看照片的時候,手指在感應器上面左右掃動時可以做到左右翻閱圖片,跟...