Tag: facebook 保安

超越 689,教你即時設定 Facebook 登入 SMS 核實方式(免費啊~)

超然的梁特首 Facebook Account 被駭應該是今天最好笑的消息,因為我們的梁特首一定係(除非唔係)因為創科局被泛民拉布未通過就開 Facebook Account,所以先會出現 Facebook 帳戶安全性過低的問題,否則梁特首的 Facebook Account 怎會被疑似「撞中」密碼。 因此,係創科局撥款成立,準備要對抗 Uber 保障的士之前,我地都要學番一招半式來提高我地嘅科技水平,以響應超然,因為得到 689 人支持而成為特首的梁振英先生倡導科技之意,加強我們自身的科技水平,學習 Facebook 推出逾年,人人都能免費使用的登入 SMS 確認方式,保障安全。 是咁的,成件事好簡單,不論係桌面還是手機都可以入到去「設定」,然後係入面㨂選「帳戶保安」,再見到有一個「登入許可」,按入去。 係呢度你只要輸入你的電話號碼,然後選擇「發送安全代碼」去你的手機,以後每一次新登入都會有一個 SMS 傳送俾你,等你自已做雙重確認,保障安全。 如果你仲係覺得未夠安全,你可以揀選埋上一項的「登入警告」,剔選「接收通知」及「傳送登入警告電郵至...」,咁以後有新登入都會即刻係手機 Facebook App 或用電郵通知你,保障安全,保安程度便會超越我們超然的 689 梁特首囉!