Browse By

ADS

Tag Archives: ambi climate

Ambi Climate002

Ambi Climate – 開冷氣唔駛自已來仲可以慳埋電

智能家居講左十幾年,由 Mac 機仲係死氣沉沉講到 80 歲阿婆都識用 iPhone,你屋企嘅一切仍然需要手動,智能家居始終係遙不可及嘅夢想。1997 年 Bill Gates 親手打造的智能家居(即佢自已間屋)至今仍然是典範,各智能家居廠商努力追求的目標,但除非你俾幾十萬港幣再加全屋重新裝修拉線,否則只能幻想。

不過,我地普通人又係唔係無辦法用智能家居呢?答案可以係,可以唔係。因為我地無辦法全面用到智能家居,但降低要求至部份家電可以智能化就唔係問題。

智能家電唔係講你要重新買個有螢幕嘅雪櫃,然後連線上網幫你檢查食物狀況再自動買食物返來。因為你將呢部最新最高級嘅雪櫃搬返屋企,香港仍然沒有服務供應商幫到你實現呢個功能。即使係大灑金錢嘅 HKTVmall 也只不過係睇單執藥,想要智能雪櫃還要等下世。